باافصل مطبخ وهذه اهم السلبيات والايجابيات الي حاانفذها بااذن الله شاركوني

السلام عليكم ورحمة الله وبركاته

صبايا انا حااغير مطبخي وصار لي كم يوم ادور عن السلبيات والايجابيات في تفصيل المطبخ

طلعت بكم نقطه

اتمنى تشاركوني فيها وعندي كم سؤال ياليت تجاوبوني

اول شي النقاط المهمه الي كتبتها بورقه وراح اخدها معايا للمحل

1- عدم وضع زوايا ابدا ابدا انا مااحبها ولا استفيد منها فماراح احطها

2- عدم ترك مسافه بين الدولاب والفرن وهده اهم حاجه

3- عدم وضع زجاج ابدا راح احط الزجاج الي يجي مطفي او ثلجي مرة مرة يجنن احسن من القزاز العادي

4- وضع اضاءة بين الدواليب العلويه والسفليه يعني تجي تحت الدولاب العلوي مرررة رايقه هالحركة وجديده

5- وضع شبك تحت المجلى او جنبه لادوات التنظيف مرررة حلوة هالحركة

6- وضع درجين شبك للقدور والصواني تكون واسعه وكبيرة شوي بدال مااحطها على رف

7- وضع درج للتباسي او لصحون التقديم كمان مرة حلو

8- رخام السطح لازم يكون طالع لبرا اكثر من الدولاب يعني يكون اطول بكم سم لبرا عشان المويه ماتدخل جوات
الدولاب

9- الدولاب يكون لازق بالارض ويكون مقفل من كل النواحي

10- تكون رفوف الدواليب من جوا سميكه عشان لما نحط شي ثقيل ماتطيح

11- تكون ادراج الملاعق والشوك والفناجيل والكاسات جنب المغسله

12- تاخذ المقاسات بددددددددقه خاصه للثلاجه والفرن والمكرويف عشان نقدر ندخلها بعدين بسهوله

13- رفوف سحب فاضيه نحط فيها سلال خيشه للبصل والبطاطس زي هده



<< هده محتارة فيها نفسي احطها واحس ماراح

تضبط لاني ناويه ع دولاب مطبخ مودرن واحسها حتضبط مع الكلاسيك اكثر

ولاني ناويه ع لون اسود وسيلفر للدولاب احس بيطلع منظرها غلط بس كمان محتارة وين احط البصل والبطاطس

مااحب الشبك الي يجي دائري ويدوور وماابغا اكتمه داخل الدولاب بيطلع ريحه

هده احترت فيها بقوووة

وثاني شي لون الدولاب نفسي بااسود وسيلفر وزوجي يبغا احمر وسيلفر وخايفه يصير ضيق لو حطيت اسود

لان مقاس مطبخي 3 *4

ناويه احط الارضيه والجدران بلاط لونه بيج مثل هالصورة



ودولاب المطبخ احترت احطه لميع زي الصورة الي فووق ولا مطفي او الي يجي منقووش يعني تجيك النقشه كانها فيلفيت يعني نفس

النقشه مطفيه ولميعه

ان شاء الله فهمتوني

تكفون ادا في شي غلط او تزيدو شي قولولي قبل ماافصل