بابا ب يتزوج/ استوفى الرد

السلام عليكم
كيفكم بنات
بقولكم مشكلة ماما وان شاء الله ألقي حل عندكم
الوالد عنده صديق من سنين يحبه ويثق فيه مرا وعلاقتهم مع بعض أخوية
المشكلة أن هالصديق عنده بنت كبيرة في السن شوي وربي مارزقها بزوج
وابوها شايل همها قبل سنة كلم الوالد أن بعطيك هالبنت وانا أثق فيك وباخلاقك وبنتي طيبة ومن ه المدح الوالد اعتذر منه وقال انا حاب زوجتي وانا وياها متفقين
المهم الأب ماعلق قبل أسبوع جاء للوالد وقال له خذها وهي ماتبي لافرح ولامهر أهم شي رجال يقدرها ويسعدها وتجيها ذرية
الوالد كأنه اقتنع بالموضوع ويقول لماما البنت تبي تلحق نفسها ونجيب اطفال ومن هالكلام سبق الوالد انه دل ناس على هالبنت لكن ماتوفقت
والوالدة لها أسبوع متنكدة
ماما تعتبر صغيرة ومهتمه جدا بنفسها والحمدلله جابت له الاولاد والبنات وبدءت معاه من الصفر وتغربت معاه وقت دراسته وهو يحبها وهي تحبه
هو يقول لها أنها ابدا ماراح تخذ مكانه بقلبي وانتي الغالية
والبنت تأخرت بالزواج لأنها مسؤلة عن اخواتها بعد وفاة أمها على حسب كلام ابوها
الوالدة قالت له يا انا ياهالبنت
طبعاً بابا اتصل فيني وبأخواتي يبغاني اقنعها
كيف نقنعها وأساسا نحن مو مقتنعين
ووالله يابنات أن الوالد ماكان يفكر بالزواج وعنده القدرة المالية والبدنية انه يخذ 4 مو وحدة بس هذا صديقه بالنسبه له غير
وصاحبة ذا متزوج 2 ويبي الوالد مثله
الآن شنو الحل الوالد صامل نكلم البنت
مابي بيتنا ينهدم بسببها خصوصا أن والدتي شديدة الغيرة واخاف تتعب لأنها تعاني من مرض
الله يشفيها ويعافيها