بابدا صفحه جديده مع الله

بسم الله الرحمن الرحيم
السلام عليكم ورحمة الله وبركااته اخواتي العزيزات
كيفكم وش اخباركم ؟!

انا حالياً عضوه جديده في هذا المنتدى الجميل والشامل لكل مايخص حواء
موضوعي اليوم بما اني جديده على هالمنتدى احب استفتح بموضوع خيّر يرضى الله
وبنفس الوقت افيد واستفيد ونؤجر جميعاً ..

كثير نسمع فلان مات فلانه ماتت وتضيق صدورنا ونبدا نتعض ونراجع نفسنا واعمالنا ونتذكر ذنوبنا
يالله المستعان ونحاول نتوب ونجهز شيء للقاء ربنا سبحانه وتعالى عز شانه

عموماً انا واللي ناويه تفتح صفحه جديده خلو نتشجع ونكون يد وحده ونبدا صفحه جديده مع الله ونغير اللي بداخلنا لان صراحه فيه اشياء بحياتي ابيها تتعدل ولكن لما اتذكر هذي الايه :

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)) ابدا اراجع الذنوب اللي اسويها محد معصوم من الغلط ادري ولكن العيب مو اننا نخطي ولكن العيب نستمر بالخطأ !! فما بالكم اذا كانت معصيه وشيء يغضب الله !! صراحه شيء يحز بالخاطر والدنيا حالياً اتاحت جميع الفرص لعمل اي معصيه وبالخفى والعياذ بالله لكن تذكروا ان احنا ما جينا لهالدنيا عشان نعيش ونتسلى ونلهو عن السبب الحقيقي اللي الله خلقنا له حنا جينا عشان نؤدي عبادة الله وكل بني آدم في اختبار من عفى نفسه عن الحرام وسلك الطريق اللي قاله لنا الله سبحانه وتعالى ورسوله - عليه افضل الصلاة واتم التسليم - نجح بالاختبار وفاز فوزاً عظيما ودخل جنات النعيم الله انا وانتو كلنا نبغى الجنه صح ؟ طيب ليش مانسعى لها لاتقولون مانقدر وصعب مافيه شيء مع الله صعب في كل سجود ادعي دعاء حبيبنا محمد -عليه الصلاة والسلام-

حدثنا يزيد أخبرنا همام بن يحيى عن علي بن زيد عن أم محمد عن عائشة قالت : كان رسول الله صلى الله عليه وسلم يقول اللهم يا مقلب القلوب ، ثبت قلبي على دينك ، قلت : يا رسول الله ، إنك تدعو بهذا الدعاء ، قال : يا عائشة ، أوما علمت أن القلوب أو قال : قلب بني آدم بين إصبعي الله ، إذا شاء أن يقلبه إلى هدى قلبه ، وإذا شاء أن يقلبه إلى ضلالة قلبه ..

و غيري نيتك وخليها خالصة لوجه الله سبحانه وتعالى
اللي تبغى تبدا تقول ابغى وباذن الله راح نكون قدها ونبدا صفحه نقيه بيضاء طاهره مليئه بالطاعات من
مع الله .. وياليت من داعيتنا العزيزات اللي بالمنتدى ينظمون لنا موضوع متكامل عن التوبه وعذراً على الاطاله ادري الموضوع بالعامي مكتوب ومو متناسق .
سبحانك اللهم وبحمدك اشهد ان لا اله انت استغفرك واتوب اليك ...