من زمان عنكم و عن السوالف لبى قلبها
ودي أتكلم عن شي جات سالفته اليوم مع ناس الله يستر عليهم بس
همن عاد اقعد أبربر عليكم و أنسى الهدف الأصلي لموضوعنا
.
.
الحين وش سالفتكم يالأمهات ؟
لا لا من جد<< هذا ما يسمى الدخول بقوه لأجل الواحد ما يبلش بالمقدمات هههه
كلنا نعرف إن كل أم و كل أب .. قمة سعادتهم لا شافوا بنتهم معرسه .. و خامتن رجلها و متعنقطتن فيه
أبتكلم عن شي يصير حولي و أكيد أي بيت سعودي يمر فيه وما يخلى منه الله لا يخلينا بس .. عسى ما يطق عود بعود قالوا لك مع رجالك إن شاء الله .. لا بغيتي تطلعين مع صديقاتك تعشين .. مع رجالك إن شاء الله.00 فيها من زمان ولا صارت .. مع رجالك إن شاء الله.. طيب بقص شعري يمه .. هاو ! لا تقصينه ترى احش رجولك .. ترا الناس تدور ع اللي شعرها طويل .. خليه لرجالك .. طيب بس بصبغه يمااه .. يااااااااا بنت الحلال مع رجالك إن شاء الله
نعنبوا ابليس هالرجل .. ناقصن هو مصاريف عشان تجدعون عليه كلش ؟
وللأسف الحاله في تدهور ع اللي يسوى و اللي ما يسواش ..
حتى لا لبست البنت لبس فيه حركتات شسمه .. تهوشها أمها وش خليتي لرجالك
عاد ترفقوا عليهم يا ناس .. الله عاد و اللي يب يجي كلش الصلاة ع النبي بس خلوني ساكته
ليه كل شي ترفعونه للرجل ؟ طيب له حقوق عرفنا.. بس من قال لازم كل شي للرجل ميييين دلوني عليه بس
بعدين هل الرجل نفس الشي ؟ هل لا بغى يسوي شي تقول له أمه .. لا جات حرمتك إن شاء الله ؟
ولاّ فالحين بس تطلعون أمثال و تطبقونها عليهم؟ عموما تراه ما درى عنكم و موسعن صدره ع الآخر ..
روحي بس وسعي صدرك انتي و ياها ما عليك من أحد
طااايب .. نفرض إنك بنت شاطره سمعتي كلام أهلك و انتظرتي فارس الأحلام
وش يضمن لك إنه يب يجي و يدلعك و يعوضك.. ؟! ياخوفي لا يوكلك تبن و يخليك تترحمين
على أيام زمان اللي أصلا ما فيها شيّن يسوى : الدلع عند اهلك يومك بنت انتي الحين حرمتي ..
.
الأسئله و ياويل اللي ما يجاوب
- هل السالفه تستاهل كل هالتعقيد من بعض الأهالي ولاّهم مكبرينها ع قل سنع
؟ - هل يعتمدون أهلتس نظام : " مع رجالك إن شاء الله " أو ما بعد توصلكم هالتكنولوجيا ؟
- هل تؤمنين بنظرية إن العرس للي شعرها طويل بس
؟ " ع قولة جدتي : شعرها يضرب ظهرها " - هل تب تدلع مرتك لا اعرست .. و لا تب توكلها تبن بحكم إنها مفروض تدلعت و شبعت ؟
أي موقف و أي سالفه نرحب فيه و بقوه
لي باك أبربر فيه معكم .. بس لا تبطون علينا
و أحلى تحيه لأقدع ناس
\
والحمد لله اهلي لسا ماوصلتهم هالتكنولوجيا (مع رجلتس ان شاء الله)
اب اب