تعزل الجو الداخلي للمبنى عن الجو الخارجي، تمنع دخول الحشرات، تمنع دخول الغبار، تحافظ على دفء\برودة الهوا الداخلي على حسب الموسم. يعني حتى إذا كان الباب مفتوح حق المبنى تقريبا ما راح يدش الهوا الخارجي على حسب قوة التيار. تخيل باب مجمع كل شوي يتبطل ويسكر يتبطل ويسكر … أكيد بيدش المجمع هوا حار بالصيف أو غبار ويطلع الهوا البارد الداخلي والناس تشتكي وتتضايق من هالمجمع
الجهاز مجرد مروحة قوية لازم توصّل تيار هوا من أعلى الباب إلى الأرض. تسحب الهوا الداخلي وتضخه لي تحت مكان الباب أو أي فتحة خارجية. طبعاً كلما يكون الهوا الخارجي قوي راح تقل فعالية المضخة. واللي نشوفه غالباً ان الهوا يشتغل بس يوم ينفتح الباب عشان يوفر كهربا.
عملياً الأحسن انهم يضخون الهوا من تحت لي فوق، فعالية العزل راح تكون أكبر. بس طبعاً ما ينفع حق الناس والسالفة مو مقبوله اجتماعياً، تخيلي الرجل اللي لابس دشداشة مرة وحده يصير كأنه باربية مغترة، وحتى مو عدل حق الحريم . من جذي حق عمليات التصنيع والأجهزة يستخدمون الهوا من تحت لي فوق والعكس حق الناس.
وأخيراً أحط صور توضيحية سريعة،
رسم توضيحي يبين فكرة الجهاز:
هذي صورة للجهاز بتصميمه المخفي فوق الباب:
وهذا الجهاز واضح وخارجي:
وهذا مثال يوضّح فعالية الجهاز حق التيارات الخارجية:
المصادر:
Wikipedia – Air Door
لا إله إلا الله وحده لا شريك له له الملك وله الحمد وهو على كل شيء قدير