السلام عليكم خواتي الغاليات
ماعرف اكتب مقدمة لكن بادخل باستشارتكم لاني اثق فيكن
انا معلمة عمري 34عادية الشكل وبيضاء ومطلقة مرتين
الاولى انا اللي طلبت الطلاق بعد زواج دام 5سنين لاني صبرت علية مايجيب عيال موعقيم عنده مشاكل بس اكتشقت انه يخطب علي وتطلقت وتزوجت بعده بواحد اكبرمن 14سنه وعشت معه احلى 7شهور في حياتي وتطلقت فجاة اهلي يقول مسحور وانا اعاني من العين وكنت اشوف طليقي الاول بالمنام :icon33:ويرش ع موية وسالت الشيخ وقال خوذي من اثره بس صار الطلاق ولااخذت والحمدلله ع كل حال
وطبعا اخواني وخواتي كلهم متزوجين ولاهين حياتهم وانا اصغرهم وجالس بيت اخوي مع امي وعياله والبيت ضيق علينا
تقدميلي ناس ورفضتهم ولي اسبابي المهم الحين جاء رجل كل يشهد له بالخير متزوج وعنده 2ولدوبنت واكبرمن 8سنين وزوجته تعبانه ويقولون انها سامحه له بالزواج
اهلي كلهم يقولون وافقي وانا احلم بالبيت والابناء والاستقرار بس خايفة من الفشل والطلاق والله قلبي ماعد يتحمل واحيانا اقول اصبرمو لازم اتزوج احس اني كبرت متى اجيب عيال واربيهم
طبعا انا باستخير بس انتم لو مكاني وش راح يكون رايكم ؟؟؟
الله يسعدكم ويحقق امانيكم لاتنسوني من دعواتكم
جوآن الهيلا @goan_alhyla
محررة برونزية
يلزم عليك تسجيل الدخول أولًا لكتابة تعليق.
عزه البطه
•
الله يوفقك ويعينك
اذا الرجال ماينعاب .. استخيري .. والله يكتب اللي فيه الخير ..
ترى الرياجيل انواع واشكال فيهم الطيب وفيهم اللي يعل القلب !
ترى الرياجيل انواع واشكال فيهم الطيب وفيهم اللي يعل القلب !
ليله نجد
•
الله يوفقك اختي استخيري خديجه رضي الله عنها تزوجت رسول الله وعمرها اربعين وانجبت وانتي عمرك صغير وامامك فرصه لاتضيعنها..
استخيري واستخيري واستخيري وتوكلي على الله واكثري استغفار وقيام ليل حتى تقدمين على الخطوه بثقه والله يكتبلك الي فيه الخير يارب
الصفحة الأخيرة