..
بدايه..
ما احتاج امدحها ولا احتاج اصف لكم مقدمات
لان شكلها وطعمها يكفففففي
..
المقادير:
*صدرين دجاج كبار او 4 صغار منزوع الجلد والعظم ومقطع لمكعبات صغيره 1.5سم تقريبا
*علبه كامله او 8 حبات جبن مثلثات لافشكري (بتشوفونه في الصور للي ما تعرفه)
*مكعبين اثنين ماجي يعني كرتون واحد ابو حبتين
*علبة قشطة كبيره 170 جم
*علبة وحده فطر مقطع شرايح
*حبتين بطاطس متوسطة الحجم مقشره ومقطعه مكعبات صغيره
نفس حجم الدجاج او اصغر شوي على حسب رغبتك
الطريقة:
- نصفي الفطر من الماء ونوزعه في صينية بايركس كبيره بالتساوي بيكون يادوب يغطيها وهذا المطلوب
وبعدها نوزع مكعبات البطاطس فوقه
- في زبديه باستخدام شوكه (او في الخلاط اللي تحبين)
اخلطي الماجي والقشطه والجبن العلبه الكامله لحد ما تمتزج وتذوب مع بعض
والافضل يكون الماجي برا الثلاجه علشان يسهل خلطه ويتفكك في القشطه
عني انا استخدم شوكه لان المكونات بتذوب بدون تعب في الفرن والاهم علشان ما اكثر مواعين
:angry:
- اضيف الدجاج للزبديه مع الخلطه السابقه واخلط زيييييييييين
- بعدها باستخدام الاسباتيول(حقت الكيك للي ما تعرفها) او الملعقه العاديه اوزع الدجاج بالتساوي فوق البطاطس وبرفق علشان احافظ على ترتيب الطبقات
وراح تكون الطبقات مرتبه وكلها رقيقه بتملأ نصف الصينيه تقريبا
علشان تستوي تمام
والخطوه هذي للاسف نسيت اصورها..
- ادخلها للفرن على حرارة 350 فهرنهايت او 180 درجه المهم درجة حراره متوسطه لمدة 45-40 دقيقه تقريبا
وعلى حسب الرغبه حمريه من فوق
انا احبه خفيف كذا علشان ما ينشف مره
- يقدم ساخن مع الخبز اللبناني وهذا شكله النهائي :35:
الطعم ممممممممممممممم ولا اروع
والرائحه تجيب الجيران
:cook:
وبالعافيه...