جوهرة نجد :

انا يضيق صدري لما اشوف كذا ؟! ما ماتوا اللي يفكرون هالتفكير ؟!! اختي لازم تعيدين النظر في طريقة تفكيرك كلها ، تقولين البياض بيغير حياتك ، لا تعتمدين على شي خارجي وشكلي (وممكن ما يصير) عشان تتغير حياتك للأحسن ، (كان البيض صارت كل حياتهم احسن من السمر )واضح ان مجتمعك يقدر البياض شي عادي اغلب المجتمعات كذا لأن الانسان بطبيعته ينجذب للشي النادر، السمر يلفتهم البياض والشقار، واهل اوروبا يلفتهم السمار والشعر الغامق، كلنا نحب الجمال ونحب الناس يمدحون في اشكالنا بس المهم اننا ما نخلي هذا محور تفكيرنا لدرجة نعرض انفسنا للخطر بسبته ، اكيد تعرفين مايكل جاكسون اللي حس انه في مجتمع عنصري وصمم - مثلك - انه يفتح لونه وشوفي عاد وش عطوه ووش حطوا له من كريمات وابر وعمليات تجميل الين ما صار ابيض زي ما يبي بس وش جاه بعدين :بهاق + تشوهات بسبب كثرة عمليات التجميل لأنه مو مقتنع ابدا بلونه وشكله ولازم يغطي وجهه وما يتعرض للشمس ، وشفتي اللي اخذت حبوب فيتامين سي وش صار لها : ترقق في الجلد ! ، والثانية اللي حطت خل تفاح تبي تصفي مدري تشد بشرتها : تحلل وتفكك في جلدها ولحمها ، يمكن هالقصص تكون خرافات ومبالغات من النت بس العبرة اللي لازم ناخذها انه ما دام فيه طب واطباء وما دام احنا متعلمين ونعرف ان الادوية ممكن تضر الجسم ولو على المدى البعيد فليش احط جسمي اللي هو امانة معطيني اياها ربي محل تجارب بدون ما اسأل ولا اشاور اهل الخبرة والاختصاص ( مو البنات في النت مع احترامي للجميع) وش فايدة التعليم اجل ؟ عشان ترتاحين دايما في حياتك لازم تغيرين نظرتك للحياة وللجمال ولنفسك تصالحي مع نفسك ولونك ابرزي احسن ما فيك بوسائل طبيعية آمنة ، مو وسائل تقعدين بعدها تتعالجين سنين بسببها ،وترى اكثر الناس الحين تدور صفاء ونضارة البشرة اكثر من البياض واللي ما عندهم مشاكل في بشرتهم حتى لو سمر يدورون مناطق جمال ثانية فيهم ويبرزونها زي الجسم والشعر او الاناقة والرزة ويمكن واحدة ربي ما عطاها اي جمال ومليانة عيوب شكلية بس تلقين الناس ما يتعبون من كثر ما يمدحون فيها وفي اخلاقها وحسن كلامها واحترامها لنفسها وللجميع وتلقين لها هيبة ،واللي علاقتها بالله زينة الله يحبب فيها الناس ويرزقها بالزوج الصالح اللي ما تحصله اي واحدة بيضاء ويسخر لها زوجها لو كانت متزوجة وتصلح حياتها وهالشي نشوفه كثير في حياتنا على العموم اسفة اذا ضيقت صدرك بكلامي بس من جد هذا الواقع وعشان تقتنعين اكثر : رئيس امريكا وزوجته وبناته:سمر وبشده (ما يعوق !) الهام شاهين وبوسي ودلال عبدالعزيز ناديه الجندي : بياض شديد بس مو ذاك الجمال اللي يطيح الطير+فتيات احلام الشيبان او بعض الشباب اللي تفكيرهم قديم رانيا فريد شوقي: انتي بس شوفيها طول وجسم وبياض وشعر طوييل وكثيير يعني مواصفات مثالية واللي يسمع هالمواصفات يقول بس هذي المطلوبة بس بصراحة الملامح عاادية (خلق الله حسن ) وفيه كثير ممثلات احلى واكثر جاذبية منها وهم اللي فعلا فتيات احلام شباب هالايام (اللي عنده ذوق بس) سعاد حسني : معروفة وكل العالم العربي يتكلم عن جمالها وجاذبيتها جيل وراء جيل ( مو بس الشيبان) : لونها حنطي ! هيفاء وهبي : اكيد معروفة ومهبلة بالناس كلهم حريم ورجال وترى لونها مو بالاساس ابيض بالعكس حنطيه وهالصور تؤكد (هيفاء وهي طفله)

انا يضيق صدري لما اشوف كذا ؟! ما ماتوا اللي يفكرون هالتفكير ؟!! اختي لازم تعيدين النظر في طريقة...

أجمل الماسه :

لا يمكنك مشاهدة هذا التعليق لانتهاكه شروط الاستخدام.