رونقa

رونقa @ronka

عضوة نشيطة

باخذ شنطتي واروح بيت اهلي يالحكيمات تكفون ادخلو

الأسرة والمجتمع

خلاص مليت مليت من برود زوجي كل الحلول حاولت معه لكن لاحياه لمن تناااادي
حسيت يبي يرفع ضغطي يتعمد يسوي كذا يشوف وش اسوي وش اقول
بس خلاص اليوم ماقدرت اتحمل خلصت طاقتي في التحمل
واذا عاتبته ولا قلت له شي يقول الحمدلله والشكر وش فيك يعني مايقول ولايبرر شي بس يتحمد
صدقوووني طفشت مليت
اليوم ارسلت له رسايل على واتسب ولارد علي بس يقرا
يعني ماهمه ولاشي
وقال بروح اليوم لديرتي انا واخواتي قلت وانا مافكرت فيني ابي اطلع لي فتره ماطلعت قال لازم اروح هو دايم يروح لديرته كل اسبوع مع اهله ولاعمري قلتله شي احيانا اروح معه واحيانا لا
بس ليش يروح ولايفكر فيني اهم ماعليه وناسته وديرته
كان مافي الا هو عنده ديره كل العالم عندهم بس في شي اسمه اولويات


وفي اشياء خاصه بعد ماقدر اقولها مقصر فيها
هو كبير عمره ٤٧ بس شسوي معقوله هالعمر ماعد يهتم بالعلاقه الخاصه يقولون بالعكس بهالعمر يضير اقوى واكثر الي يتزوجوم بهالعمر
اما هو لا عكس تماما لحد يقولي متزوج متاكده ماتزوج لانه تارك جواله قدامي وابشر معي رقمه السري وقدم قبل فتره في حساب المواطن وشفت المعلومات الي كتبها يابنات انا تعبت منه وقاعده افكر اشيل شنطتي واروح لاهلي فتره نقاهه لو ثلاث ايام تعبت نفسيتي ماعد اقدر اعطي وصلت اخر نقطه ابي يحس فيني ويطلعني ويمشيني


وتخيلو من زمان ماعطاني هدايا على اني اعطيه واخر مره من اسبوعين وهو مو معبرني حتى ولدت ولاعطاني وحجته عليه ديووون مايقدر يعطيني هدايا غاليه
من بعدها غسلت يدي قلت الي يحب يعطي بدون محد يطلب
المهم بنات ياحكيمااات شرايكم وش اسوووي بس ابي حلول صادقه
ساعدوووني بنات الله يسعدكم ويعافيكم ويوفقكم بالدنيا والاخره
39
8K

يلزم عليك تسجيل الدخول أولًا لكتابة تعليق.

تسجيل دخول

أنا ندمانه
أنا ندمانه
والله من ناحيه العلاقه تفرق من شخص لشخص... حسب كيف كان وهو شباب ... بس مايعتبر كبير مره .. ومن ناحيه الهدايا المفروض انتي عارفه طبعه دام عمره 47 معناته لكم عمر متزوجين ماشاء الله .. فيه رجال ماتهدي ولا تعرف ولا له دخل بالحب أنا زوجي كذا عرفته خلاص فما صرت اطلب هدايا اذا هو مو مقصر معي في المصروف خلاص والصراحه انا ماصرت اهديه كمان ليه تهدينه وهو مايهديك!!

وتقولين توك والده يعني توك مخلصه نفاس وتبي تروحي لاهلك مافهمت?? عموما عادي تروحي تريحي وتروقي كم يوم اجازه وقبل رمضان حلو دام هو كل ويك اند بروح لديرته انتي كمان روحي لاهلك..
ضوء الدنيا
ضوء الدنيا
اول شي كل عااااام وانتي بخير ويااارب يجي رمضان وانتي اسعد زوجه بالدنياااا
اقسسسم بالله العظيم الرجال اللي تجلسين تشحدي منه الاهتمام طوووول عمرك ماراح تشوفي الاهتمام خذيها نصييييييحه مني
عيشي حياتك ع وضع زوجك اذا هذي شخصيته وهذا اسلوبه لازم تتعودي عليه باين عليك عصبيه ودايم متنرفزه معاااه ف اكيد بيستغرب منك لانه مو حاسس بشي ويشوف نفسه عادي معاك
اما طلعات وغيرها ترى غيرك ماتعرف الشارع الا ف السنه حسنه اطلعي معاه وغيري جو وشوي وشوي بتجي الاشيا اللي تبيها اما بالصراخ وانت ماسويت وانت ماحسيت خليييها بعييده عنك
العلاقه لا تضغطي عليه انتي بعد لكن بنفس الوقت لا تهملي البسي وتقربي وبيجي من نفسه
الله يسعدددك ويوفقك
وابشرك ترا انا صغيره بعمري لكن عندي زوج جعلني شخص مخضرم على هذه الدنياااا واستسلمت وريحت راسي وعشت حياتي بعيد عنه وعن قرفه مو مطلقه لا معاه لكن لي طقوسي واجوائي وصار هو يركض ورايه ولا ابغاااه تصدقين احس نفسي كنت غبييه يوم الاحق وراه 😚😚😚
دمتي بخييير وود والله يسعدك ويااا زوجك ويهديه
Nadine Abdulaziz
Nadine Abdulaziz
الله يصلح الحال بيناتكم
ويسخر لك إياه
رونقa
رونقa
والله من ناحيه العلاقه تفرق من شخص لشخص... حسب كيف كان وهو شباب ... بس مايعتبر كبير مره .. ومن ناحيه الهدايا المفروض انتي عارفه طبعه دام عمره 47 معناته لكم عمر متزوجين ماشاء الله .. فيه رجال ماتهدي ولا تعرف ولا له دخل بالحب أنا زوجي كذا عرفته خلاص فما صرت اطلب هدايا اذا هو مو مقصر معي في المصروف خلاص والصراحه انا ماصرت اهديه كمان ليه تهدينه وهو مايهديك!! وتقولين توك والده يعني توك مخلصه نفاس وتبي تروحي لاهلك مافهمت?? عموما عادي تروحي تريحي وتروقي كم يوم اجازه وقبل رمضان حلو دام هو كل ويك اند بروح لديرته انتي كمان روحي لاهلك..
والله من ناحيه العلاقه تفرق من شخص لشخص... حسب كيف كان وهو شباب ... بس مايعتبر كبير مره .. ومن...
الله يسعدك
لا مو توني والده لي فتره بس مقهوره حملت وولدت وكل شي ولايجيب لي شي يعبرني فيه احس بقيمتي لو شوي
وش بيضره لو جاب هديه لو بميه ريال بس هو مستكثرها علي وفسرتها يمكن مايحبني ولا كان يجيب لي
اي احنا مع بعض عمر بس طفشت من بروده اهم ماعليه نفسه
وصارت لي اشياء معه بس لو قولها يمكن احد يعرفني لو فيه اقارب هنا
عشان كذا اختصرت اشياء بس والله ياانا ندمانه تعبت معه عطيني حلول اكثر اذا انتي عندك خبره لو ترسلين لي على الخاص تعبت وصلت حدي كل شوي اصيح وبس واتالم من الداخل اقول ليش اسوي واسوي ولايفكر فيني يسوي لي شي يفاجأني بطلعه بهديه وش فيني انا ؟؟
رونقa
رونقa
اول شي كل عااااام وانتي بخير ويااارب يجي رمضان وانتي اسعد زوجه بالدنياااا اقسسسم بالله العظيم الرجال اللي تجلسين تشحدي منه الاهتمام طوووول عمرك ماراح تشوفي الاهتمام خذيها نصييييييحه مني عيشي حياتك ع وضع زوجك اذا هذي شخصيته وهذا اسلوبه لازم تتعودي عليه باين عليك عصبيه ودايم متنرفزه معاااه ف اكيد بيستغرب منك لانه مو حاسس بشي ويشوف نفسه عادي معاك اما طلعات وغيرها ترى غيرك ماتعرف الشارع الا ف السنه حسنه اطلعي معاه وغيري جو وشوي وشوي بتجي الاشيا اللي تبيها اما بالصراخ وانت ماسويت وانت ماحسيت خليييها بعييده عنك العلاقه لا تضغطي عليه انتي بعد لكن بنفس الوقت لا تهملي البسي وتقربي وبيجي من نفسه الله يسعدددك ويوفقك وابشرك ترا انا صغيره بعمري لكن عندي زوج جعلني شخص مخضرم على هذه الدنياااا واستسلمت وريحت راسي وعشت حياتي بعيد عنه وعن قرفه مو مطلقه لا معاه لكن لي طقوسي واجوائي وصار هو يركض ورايه ولا ابغاااه تصدقين احس نفسي كنت غبييه يوم الاحق وراه 😚😚😚 دمتي بخييير وود والله يسعدك ويااا زوجك ويهديه
اول شي كل عااااام وانتي بخير ويااارب يجي رمضان وانتي اسعد زوجه بالدنياااا اقسسسم بالله العظيم...
وانتي بخير وسعاده وياك يارب شكرا على الدعوه 😭
والله انا مااشحده احيانا اتركه وامل من الملاحق وصح احيانا يجي ويستغرب اني ماعد اقول شي
بس ماقدر لانه يرجع لبروده ولو اقولك مواقف بتستغربين وش هالانسان
مدري وش يبي بالضبط جاب لي عقده
يكفي انه حرمني من صديقاتي ولاعد عندي اي صديقه وهو يطلع مع اصدقائه كل يوم او كل يومين وسهرات ووناسه وانا منطقه بالبيت
ادري في ناس اردى مني بس الواحد يهمه سعاده نفسه بعد
تعبت من اسلوبه والله كل شوي ابكي وبس تعبت من البكاء