باخلعه وخايفه من قراري

يسعد صباحكم بنات ،، محسوبتكم متزوجه و١٨ سنه عذاب ومشاكل وهم وغم وظلم من زوجي واهله وماعندي غير ولدين واحد بالثانوي والثاني بالمتوسط وقفت حمل لاني ناويه اكبر اولادي واترك زوجي واهله بلا رجعه ،،والان وصلت حدي من هالرجال الظالم وامه وكلمت اهلي اخلعه ووافقو بسرعه لانهم من سنين وهم يصبروني ويقولون تحملي ويدرون ان زوجيمايتعاشر ،،شايله هم عشان اولادي خايفه اندم خايفه يظلمهم هو واهله خايفه يحرمني منهم لانه يهدد ويتوعد ان فكرتي فالطلاق اولادك ماعادبتشوفينهم ،، كل ماجلس مع اولادي قال امكم لو راحت ترى ماعاد بتشوفونها ابدا واذا بكو يضربهم يقول ليش تبكون وليش تحبونها ،،،تو كنت ابكي واصلي جو عندي يقولون عادي والله مانزعل انتي تعبتي وتحملتي عشاننا خلاص روحي اذا بابا خلانا نعيش معاك عادي واذارفض بنجيك كل يوم ،، وشوي اسمع الكبير يبكي فالحمام والصغير يبكي تحت اللحاف ،، ورجعت اتكلم معاهم وقالو نبغى نعيش في بيتنامانطلع منه ونبغاك معانا ،، لاتروحين وتخلينا ولانطلع من بيتنا 💔💔ليت عندي وظيفه واستأجر بيت واخذهم معاي واترك زوجي واهلي الظلمه للابد ،،،ام زوجي سبق وهددتني هي بعد ان رحت ماراح تخليني اخذ اولادي وربي ماانام كلامها وكلام ولدها يرن في اذني وهم ناس قويين جداجدا حتى انظمة الدوله مخالفينها بالقوه ويطلعون منها وممشين مصالحهم وامورهم بالواسطات والرشوه ،،،وربي منهااااره كل يوم ابكي وادعي ربي ياخذه ونعيش انا واولادي مرتاحين في بيت واحد بدون مشاكل ،،
ماقدر اتحمل اكثر جسمي كله يوجعني من حالتي النفسيه ومن الضرب جاني قولون مصدعه على طول عيوني تعبانه من كثر البكي وماعاد اشوف زي قبل اللي عندها نصيحه والا حل تقول واللي ماعندها لاتنساني من الدعاء