بادش النار بسبب زوجي

الظاهر ان هذي حالنا كلنا يعني اللي عندها رجال حليو تشوفينها مو عاجبها لويسويلها كل شي زين واللي عندها رجال اقشر تشوفينها شحليلاتها وتحاول ترضيه بشتى الطرق

انا كنت زيك ولها الحين وانا كذا بس احس تحسنت شوي يوم قعدت اقرا قصص الحريم اللي محرومات من ابسط حقوقهن ومع كذا صابرات ومتحملات صرت اقدر كل شي يسويه رجلي حتى هو لاحظ علي ومبسوط مره سوي مثلي وقارني بين الرياييل الوحشين وريلك وبتشوفين الفرق
وبعدين اكيد ان فيك حاجه زينه تعوض كل اللي قاعده تسوينه فيه والا ماراح يتحملك ههههههه

السلام عليكم ورحمة الله
رائع منك ألماسه أنك تشعرين بحب زوجك ..والاجمل أحساسك بخطأ ما تفعلين
او على الاقل
تساؤلك كيف تجازينه على صنيعه الطيب معك ...

ولكن ..

هل تكفي هذه الاحاسيس
لا أعتقد ..وانا متاكده انك تريدين الحل فعلا ...

الدنيا ليست ملك لأحد ..ولابد من فراقها ..
فهل سألت نفسك هل ستعيشين الى الغد ؟؟
تذكري أن الموت والحياة بيد الله ...فقدمي لأخرتك في كل ساعه
وحاولي أرضائه كي لاتندمي على تقصير أو تفريط منك

تذكري أنك تخشين فراقه ..فماذا بودك ان يحفظ عنك او تحفظين عنه

زوجك لايستحق منك هذا الجفاء أيا كان نوعه ومتى كانت مدته ...
تذكري هذا وتذكري أن الكريم اذا كرمته أكرمك
افلا يستحق منك كرما أيتها الكريمه
مشاعرك فياضه فأفيضي منها شيئا لزوج
تتمتعين بروح الفكاهه والطيب فأسكبي عليه من ذلك
هو من يستحق ..هو من سيكون سببا في دخولك الجنه بأذن الله

أخيرا
الدعاء
أقل الامور في حقه ان تكثري من الدعاء له بأن يوفقه الله وان ييسر أموره وأن يجعل الجنة مثواك ومثواه
ولاتنسي أن تدعي لنفسك
بأن يسخر الله نفسك لزوجك كما يحب ويرضى

أدري طولت
لكن مو ضوعك يستحق أن نقف أمامه
بارك الله فيك

وانا والله مثلكم لكن اخذت العبره من القصص اللي اقراها وصرت امشي على الخط المستقيم
فعلا حنا يالحريم مايعجبنا العجب ولا الصيام في رجب

ثقي انك انت المسكينه ليس هو بكره يمل ويروح يدور على قلب حنون صابر فلا تغتري بطول باااااااااااااااااااااااله ..

بنوتة الريح
راح احاول اسوي مثل ماقلتيلي وانشاء الله يفيد
وعلى قولتج اكيد فيني شي زين مخليه يستحمل:22:

لاوسي
:icon33::icon33:كلامج خلى ضميري يعذبني ازيد وازيد
وكلامج مضبوووط 100 بال100
وهالمره قبل لا امد البوز راح اتذكر كلماتج
وعلى طول اشفط البوز قبل لا ينمد:icon8:
وتسلمييين على هالكلمات الرائعه الي تزيد النفس ثقه

ام هوبي
والله انا خايفه ننحرم من هالنعمه الي احنا فيها وبعدين نتم نكفخ في عمرنا من القهر

ادعو للتسامح
:32:هيا حصلت
:angry2:الحين بامد البوز عليه يعني يفكر يطالع بره:024:دنا حشرب من دمو ابل مايفكر يبصبص برا