الله يسعدك يا ام قسومة ..

وانا كمان متابعة عن بعد..

بس ان شاء الله اجيب الصوف وابد معاكم ...

الله يجزاك كل خير على شرحك الرائع..

الله يجعله في موازين حسناتك..

سؤال سؤال سؤال
زى ما قولت لحضرتك فى السلبق هاعملها داير ما يدور فهل أسطر الأعمدة هى الكمر
معلش كمان سؤال هل أسيب الأسطر ده مفتوحة ولا كل سطر هاقفل بمنزلقة
أخر سؤال حضرتك نبهتى أن فيه غرزة وسع هتكون برضة مع سطور الكمر
علشان خاطرى تردى عليا لأنى بجد

صباح الفل ياقمر
كويس اني دخلت تاني والله كنت حااقوم بس انتي بنت حلال
اجابه السؤال الاول
ايوه سطور الاعمده هي الكمر وممكن تقلليهم وممكن تزوديهم حسب رغبتك
السؤال التاني
لو عايزه تركبي سوسته سيبيها مفتوحه لغايه مقاس السوسته
لو حاتعملي زيي وتعملي لها شريطه وتزميها بيها اقفلي بمنزلقه في كل سطر وابدئي سطر جديد
السؤال التالت
لو قصدك اني قلت تاخدي محيط الوسط وتوسعي شويه انتي بتوسعي ب4 غرز تقريبا مش بغرزه واحده

تشكر يا قمر أنا بقى مش هاقفل النت النهاردة خالص هاقعد مربطة ووزعت الولاد وكمان أبوهم
طب يعنى التوسيع من الكمر وكمان أزاى هل أعمل 2 عمود فى العمود السابق كل أول و نهاية سطر

حبيبتي انا قصدت بالزياده الاولي دي في اول سطر بس علشان محيط الوسط مايكونش ضيق
اما الزياده في الجيبه بتكون حسب ماانتي عايزاها يعني لو عايزاها مستقيمه
نبدا بشغل الكمر ثم نشتغل عدد من الاسطر
حوالى 20 سم وهذه المسافه هى طول الجنب lمع مراعاه زياده عمود او عمودين في كل سطر او كل سطر وسطر حسب محيط الجنب
ثم نشتغل الى نهايه الجيبه بدون اى زياده
ونلاحظ اننا قمنا بالزياده اللجنب لان محيط الجنب يكون عاده اكبر من محيط الخصر
واذا راينا ان هذه الزياده لا تكفى نقوم بعمل زياده مره اخرى فى السطر الذى يليله ثم نكمل الجيبه الى الطول المطلوب دون اى زياده وهكذا
ام اذا اردناعمل جيبه واسعه نوعا ما من الاسفل فاننا نقوم بالزياده بدا من الجنب الى اسفل الجيبه على ان تكون الزياده كل عدد من الاسطر على حسب تقديرك وعلى حسب شكل الموديل




ايوه طبعا ينفع زي ماانتي عايزه