كيفكم ان شاء الله بخير
هدا طبعا دولاب ملكه بس غير المعتاد بالعاده زجاج ومكلف وصعب وثقيل وحوسه هالمره قلت خليني اغير
180 درجه عن العاده والكل قالي حلو وعجبتهم الفكره عاد قلت يالله اشوف رايكم انتوا طبعا الخامات واضحه
والطريقه كمان واضحه واذا عندكم اي سؤال من عيوني تامرون امر هدي الصور من قريب وبعيد وصورة الدولاب
كامله على فكره العروسه جنت من الدولاب الكل يسألها وانا عملته هديه لصاحبتي لان اخوها تزوج وحبيت اوقف معاها وقفت اخوه يالله نبدأالعرض بسم الله
http://www.arb-up.com/files/arb-up-2008-6/yb995495.jpg
وهدا الشي الاول
الشي التاني طبعا تغليف الدبش قلت لها بدال متحطوا الدبش بطريقه معتاده اعطيني هوا انا اتصرف
المهم ماعليكم بالطويله غلفت الدبش هوا عموما هدايا يعني غلفتها زي الصرر ايام جدتي الله يرحمها
زي البقشه اللي يفهم عليا يمكن مو الكل يعرف معني الكلمه يقماش الطلس الذهبي وفوقه تول ذهبي
وربطته بشريطه عسلي رابطه بين القديم والحديث
فكرة البارتشنل على شكل غابه شوفوا الصورة واللي عندها اي سؤال حاضرين لطيبين
يالله بسم الله
http://www.arb-up.com/files/arb-up-2008-6/Nzl95006.jpg
ها ايش رايكم انفع اكمل فن والا لالالا :06:
اعذروني ارفقت بعض الصور في روابط لانها جات كبيره مررره فحطيتها برابط عشان ماضايقكم
وحلوين كثيير .. الله يوفقك