باركوا لي ولدت

صبااااح الخير@@
الحمدلله فرج ربي علي وجبت احلى كتكوت  (( القرد ف عينه امه غزال)) خخخخخخخخ
باشارككم اليوم بقصه ولادتي المرعبه  ،، انا بكريه، وزوجي كان مرابط الاسبوع الاخير من التاسع، واهلي مسافرين ، وانا عند عماني، 
الموهم الاسبوع الاخير كل يوم في ساعه يجيني طلق مووووت بس،، وبعدها خلاص ازقح
وكان موعد ولادتي يوم السبت.. وكنت خايفه وفرحااانه ف نفس الوقت ابغى ارتااااح من الثقل، 
الموهم يوم الجمعه العصر حسيت اني تعبانه ع خفيف وانا عند عماني وكان عندهم ضيوف، وماعاد اقدر اتحمل الناس، فدقيت ع اختي بيتها قريب ورحت لها، 
وتونا جالسين ع القهوه، الا واحس بمغص قوي، واروح دوره المياه، الا وانتم بكرامه اسهال موب طبيعي ، وجاني رجفه بعده ماقدرت اجلس وقلت لاختي خلاص باروح البيت، واروح والا والبيت فيه ناس كثير، واجامل لهم شوووي، واروح ابكي ف غرفتي من الرجفه ماعاد اقدر اتحكم ف نفسي، 
وبعد العشاء هديت وسمررررت ومشيت ع الساعه 1 حول البيت،
وطول الليل احس كأني ابغى دوره المياه بس مافي شي، 
والم كل ساعه، يعصرني دقيقه ويفكني
ومن الساعه 3 صار كل نص ساعه وانا لحالي ف غرفتي ابكي، 
اقول ف نفسي باصبر زي الحريم خخخخخخخ
ويكلمني زوجي قال روحي المستشفى، 
قلت لا باصبر،،
الموهم ع الساعه 6 فجر احس ان الطلق زاد وباستمرار، 
ومافي احد يوديني المستشفى، 
وكانت امي جايه من السفر هي واختي ف الليل، وادق ع امي الساعه 10 قلت لها ابغى ولد اختي يجي ياخذني لعندكم،،(( وانا ابغى المستشفى بس ماابغى اخوفها))
قالت مانام الا قبل شوي ، و ف العصر بيجي ياخذتس 
وقفلت،، 
و ع الساعه 11 دخلت علي عمتي وهي خوافه ههههههههههه قالت اصبري،، 
باقي ماشفتي شي ، هذا هين،،
الا واكبر عيالها جاينا هي وعياله صدفه،،
و ع طول وداني المستشفى،
ودخلوني قسم الولاده واللي كشفت علي سعوديه ومن بنات مدرستنا عرفتها،، 
وانا ماكشفت غطوتي، ع بالي مابتعرفني خخخخخخخخخخخخ
وقالت 2 سم
وقال الدكتور لازم تحويل ع مستشفى ثاني لانها احتمال عمليه وهي بكريه،،
ورجعنا البيت وراحت عمتي معي واخذت اغراضي واغراض النونو، 
ومشينا والمسافه نص ساعه ووصلنا المستشفى و ع الطوارئ وكشفت علي دكتوره وقالت ولاده ولاده 3 سم
وخذوني ع قسم الولاده وانا فرحانه(( ماتدري وش بيجيها خخخخخخخ))
وقفلوا ع عمتي وولدها وكان الوقت 3 عصر،
ورجعوا للبيت..
ودخلت غرفه الولاده وعطوني الحقنه الشرجيه،، واصلا" مافي بطني شي من الجوووووووع
وقالت لي الممرضه يلا امشي ف الصالات،، 
ويالله امشي واذا مسكني الطلق وقفت 
و ع الساعه 4 حطت لي مغذي وفيه طلق صناعي وحطت لي اكسجين ،
المهم انا اغراضي بجنبي ،، والممرضه فتشت شنطتي اليد واخذت جوالي وحطته تحت مخدتي تقول خايفه عليه،
وحسيت بنفضه الطلق الصناعي واصيح واقول لها حطيتي طلق قالت لا 
بس هذا مغذي..
واصيح من الالم واحسه بدفع من تحت واقول ياربي لاتطلعه خله ف بطني مااقدر ع الالم ههههههههههه
وجاتني ممرضه وانا اصيح اقول الم كثير عطيني مهدئ،، قالت كذا ولاده لازم الم ،، وياني حقدت عليها.
واخذ جوالي وادق ع صديقتي بيتها قريب وقلت انا بمووت جوع والم سووي لي اكل.
ودقت ع الكونتر قالوا لا مافيه هي ولاده..
وجاتني دكتوره الساعه 7 مغرب وقاست ونزلت مويه النونو،، الا احس بحرارتها واقوم ويغيرون ملابسي والمفرش.
وجاني دكتور تخيلوا بس مافكرت ذيك اللحظات وقاس وانا حاطه الشرشف ع وجهي خخخخخخخخخخخخ
بعدين استدعوا دكتور ثاني وبعد قاس وانا بس اصيح....
وتخيلوا من المغرب لين الساعه 9 وهم يحرضون دكتور و3 دكتورات 
وانا ابكي سوو لي عمليه بموووووت
قال لي الدكتور لا احنا نحاول تجيبيه طبيعي لانك بكريه،، 
ومع ان اوراق العمليه جهزناها بس بنحاول
ومع الطلق يغمى علي اصحى ع كفوفهم وادفعي ساعديني وانا حيلي منهد.. 
وتجي الساعه 11 وانا ع شفاء حفره.. 
وهم عندي يغفصون بطني وادفعي 
والدكتور يقول انتي ضعيفه ساعدينا بتموتين وبيموت البيبي،،،،،، 
المهم ومااكان يدري من اهلي الا وحده من خواتي ولا قالت لاحد..
وتجمعوا خواني وخواتي عندامي،،
وامي تسأل عني قالوا ان عندنا ضيوف ومشغوله.
وانا ف المقابل اذوق الموووووووت
وع الساعه 12 ونص ولدددددت وطلعوه من بطني ماصاح وحطوه علي مايتحرك واخذه الدكتور وراح به وخلوني نص ساعه..
وارسلت لزوجي ابشرررره..
ونسيت اقول لكم ان جوالي تحت المخده واختي وزوجي كل دقيقه يدقون وع الهزاز وانا اصيح  ،، 
فتخيلوا عاد هههههههههههههه ماسووا فيني خير.
المهم رجع لي الدكتور وقال لي مبروووك ولد قلت له مات يادكتور قال لا بس اختنق من الحبل. السري واعطيك اياه بكره.
وتطمنت شوي وجاني وخيطني تخيلوا. 
وطلع من عندي وقالت لي الممرضه هاه. باقي جيب بيبي ثاني، قلت توووووبه ، قالت انتوا كذا ياسعوديات بعدين بيبي عشره ههههههههههههههههههههه
وقلت ابغى اتروش قالت لا خليك ساعتين منسدحه ع السرير..
وتكلمني امي ترتجف مابشروها الا بعد ماولدت لاني اصغر العنقود ومثلكم عارف خخخخخخخخخخخ
وجلست تبكي وزعلت ع خواتي ليش ماقلتوا لي ،، وتقول قلبي موب مطمن عليها طول الليل (( فدددددديت امي
واجلس الى الساعه 2 ونص 
ويدق علي الشعب السعودي طوال الساعتين خخخخخخخخخهههه
وجاتني الممرضه 2 ونص وعطتني حليب وساندوتش.. واكلت وجات تقومني وادوخ ويغمى علي

وتصحيني وتنظفني ع السرير وتغير ملابسي وحطتني ع كرسي واخذتني لغرفه بجنب غرفه الولاده وقالت نامي وارتاحي الى الصبح وبعدين اجيك ف الصبح
وانسدحت وقلبي بالنونو واصيح عليها ابغى اشوف النونو ، قالت لي انتي تعبان مافيه .. 
قلت انا ادري بيبي موت بس ابغى اشوفه عاد وسوست.
واخذتني ع الحضانه وشفته حاطينه ف هندول قزاز و ع وجهه اكسجين  وف ايده غذايه و ف رجله غذايه 
ورجعتني ،،
و ع الساعه 4 طلعتني للتنويم..

وقالت اوقفي نشوف وزن وادوخ واطيح واخذوني ع السرير ويعطوني عصير،، 
الا واسمع وحده تسأل عني عند الممرضات.
لينها بنت خوي فديتها جايبه لي اكل وحليب، 
ماتتخيلون فرحتي بجيتها وتاكلني وتسولف عن الجامعه وصديقاتها وانا مبسوطه ع الاخر،
خخخخخخخخخخ
الحمدلله وطلعت بالسلامه وجلس حبيبي ف العنايه 4 ايام 
وطلع بالسلامه فددددددددددددديته ربي مايحرمني منه