السلام عليكم اخواتي الحوائيات
الحين كملت اسبوع بعد ولادتي باحلى بنوتة طبعا حبيت افيدكم زي البنات الي سبقوني علشان الكل يستفيد
هدي اول شي والحمد لله رابع خلفة عندي طبعا مافي اختلاف بين حمل البنت والولد انا كنت متابعة هنا كتير المواضيع الي زي هدي بس صدقوني ما في اختلاف الوحم نفسو البطن نفسها التقل نفسو الضغط على المتانة الله يكرمكو نفسو يعني اهم شي الله يرزقنا اطفال سالمين بتمام صحة وعافية
سمحوني بطول عليكم الهرج شوية
المهم كان موعد ولادتي 20\4 هجري حضرت حالي اغراضي اكلي كل شي اخدت علاجات النفاس من الاخت قشر قهوة الله يجزاها الف خير وصلتني في وقتها ولها الف شكر
واستناك يا طلق مافي الا شي بسيط وامشي ولا شي طوفت الجمعة بعدين داومت على قراءة البقرة يوميا والمشي واطلع وانزل الدرج يمكن 20 مرة واخدت موية زمزم وقريت فيها ادعية تسهيل الولادة
ولللامانة نزلت موضوعي هدا لاجل التلاتة الاشياء هدي القران معروف دون دكر منفعتوموية زمزم كمان رهيبة شرب منها وتمسحي منها على بطنك المشي وطلع الدرج ساعدني كتير في الولادة العظلات كانت مرتخية ماهي متشنجة زي العادة مع التنفس
استحملوني والله ماني مصدقة انو ولادتي بعون الله اولا واخيرا كانت سهلة جدا واخدت ساعنين بس اتركو عنكم الخلاطات ما الخلطات هدي والله احسن خلطة تستعملوها
المهم نرجعسالفتنا مسكني الطلق بعد ما طلعت الدرج والمشي طبعا وسكت عنو بس كان خفيف قلت زي العادة يجي ويروحوصل الفجر ابتدى يزيد تاكد انو وقت الجد وصل قمت يا طويلات العمر نظفت البيت طبخت للعيال اكلهم وسويت لي اكلي وسويت كيكة القرفة طبعا كنت محضرة تمرة مفرزنة فطاير اخلصي ياحرمة :mad:المهم الالم يزيدوصلت 7 رحت المستشفى وانا اقرى طبعا ادعية تسهيل الولادة وكمان لما يمسكني الالم والله على ما اقول شهيد اخد نفس عميق وزفير والله بيساعد كتير هدي اخدتها من اخت هنا من المنتدى والله بتساعدكتير حاولو تتدكروها صح ساعة الجد تتلخبطين بي الم والتنفس بس والله صدقوني بتهل الولادة كتير
وصلت اخيرا المستشفى:44:واقول في نفسي الحين تقول فاتح 2سنتي تكشف وتقول كويس فاتح اربع والله :)وادخل ساعة 8غرفة الولادة اغير لبسي وانسدح تجيك السستر تزبط لي حق دقات القلب وتروح ما حد جاني ولا كشف علي وانا مع الادكار والتنفس كل ما حسيت بطلق ولا سمعو صوتي زي العادة الله يرحم ايام زمان وانا صارخ يااااااااااااااااااادكتوررررة الحقيني والله هالمرة ماطلع صوتي شوية جا الدكتور كشف يقول 5سنتي طبعا انا عندي سكر حمل ويقول اتروكوها محنا مستعجلين ويروحو مافي الا السستر معايا انسدح على جنبي الايسر تصدقو ولدت بطلق طبعي لا اصطناعي ولا كتر الكشف ولا شي خالص شوية احس ابتدى يحمى وتنزل شوية موية ويجي الدكتور يكمل الباقي وانا على طول وراها ما يمدني ربع ساعة خلاص يبتدي راس الجنين يطلع والسستر تقول لا دفين اقول ما اقدر والدكتورة واقفة طالع تقول لا لا خليها دف هدا راس الجنين باين قالتها من هنا وتجيني الطلقة التانية وادف على الاخر وتطلع حبوبتي :icon28:طبعا نستنى المشيمة طبعا ديما كانو يدخلون شي مشان المشيمة تطلع بسرعة المرة هدي ولا شي طلعت طبعي ولله الحمد الفضل والشكر لك يارب طلبتو وسهل ولادتي وهون علي الطلق ورحمني من الطلق الصناعي ومن كترة الكشف الله لك الحمدوالشكر كما ينبغىلجال وجهك وعظيم سلطانك
معلش سااااااااااااااااااااااامحوني طولتها ومسختها بكترة الهرج والوصف والله من فرحتي انو ربي سهلها علي لاني في ولادتي الاولى كنت اشوف الموت نزيف وطلق صناعي وعداب ما بعدو عداب :icon33:ومدة طويلة في غرفة الولادة اما المرة هدي ساعتين والله موكاملة حتى انصحكم لوجه الله القران المشي الادكار التنفس وربي يسهلها على الجميع ويرزق كل محرومة
اااااااااااااااااااااااااااااااسفة طولتها
حمامةبيضاء @hmambydaaa
عضوة فعالة
يلزم عليك تسجيل الدخول أولًا لكتابة تعليق.
Tolh
•
الحمد الله على سلامتك والف مبررررررررررررررررروك البنوته وتتربى بعزك وجعلها الله من حفظة القران الكريم
ولاتنسين تدعيلي بالولد الصالح الي يجبر خاطري
وربي يرزق الجميع
ولاتنسين تدعيلي بالولد الصالح الي يجبر خاطري
وربي يرزق الجميع
كيندا 99
•
الحمدلله ع السلامة ومبرووووووووووك ألف مبروك ع البنوتة:26:
الله يخليها لكم ويحفظها ويجعلها من عبادة الصالحين
والحمد لله له الحمد والشكر أولا وأخيرا
الله يخليها لكم ويحفظها ويجعلها من عبادة الصالحين
والحمد لله له الحمد والشكر أولا وأخيرا
ماشاءالله تبارك الله
الحمدلله على سلامتك وتتربى بعزكم المولوده
اللهم اجعلها من حفظة كتابك الكريم
الحمدلله على سلامتك وتتربى بعزكم المولوده
اللهم اجعلها من حفظة كتابك الكريم
الصفحة الأخيرة
ومبروووووك البنوووته
الله يرزقنا بولااده سهله مثل ولادتك يارب