باركولي بنات ولدت بعد المووت (قصه ولادتي مع النصايح لتسهيل الولاده)

اهلييييين بنات حواء والله فقدتكم من زماااان مادخلت لاني ابشركم ولدت وجبت ولد الله يخليه لي مثل القمر وان كانكم تذكروني انا الي وصيتكم تعطوني شيء يسرع ولادتي لاني تاخرت واكيد انكم استغربتم عن اختفائي والحين الحمد لله باقي لي 3 ايام اكمل الاربعين00المهم بقولكم قصه ولادتي من طقطق ل:13:لسلام عليكم000

انا طولت بصراحه ودخلت موعد ولادتي ولا ولدت الدرجه الدكتوره قالت لي لازم نعطيك صناعي يوم الاربعاء وانا كنت رايحه لها الخميس قالت ان ماولدتي الاربعاء لازم صناعي وانا بكريه اول مره احمل وبصراحه ضاق صدري يوم قالت صناعي لاني انا خايفه من الطبيعيه اجل كيف ان كانت صناعي المهم وصرت امشي في اليوم ساعتين كنت اتعب بس ولو ابي اولد باسرع وقت عشان يكون طبيعي ووصتني الدكتوره اخذ قرفه وقلت لها ان الناس يسبون القرفه ويقولون مضره قالت ماعليك من الناس انتي خذي قرفه وانشاءالله اذكرك تولدين قبل الاربعاء بأذن الله المهم خذت نصيحتها وقعدت اشرب القرفه 4 اكواب في اليوم مع التمر والمشي المهم جاء يوم الاحد الساعه 5 الفجر كنت نايمه وفجأه والله يابنات احس رحمي انفجر منه مويات بشكل غير طبيعي وصحيت من كثرها الدرجه حسيت ان السرير طلع مثل البحر والله خفت قعدت اصيح وصرخت انادي زوجي لانه كان عند التلفزيون وعلى طول لبست عبايتي وهو من الروعه طلع بزنوبه الخمام الله يكرمكم من جد خاف لانه شاف شيء يخوف المويات كانها شلالات المهم وداني لمستشفى الحمادي وقاسو رحمي انا توقعت على كثر هالمويات بيكون مفتوح 8 سم والله يابنات تفاجأت يوم قالت رحمك مفتوح بس نص سم انا ضااق صدري وقالت لازم تنومين بالمستشفى لان موياتك كثيره تخيلو يابنات من الساعه 6 الصباح وانا اطلق الى الساعه 10 ونص الليل يعني حول 16 ساعه وانا في عذاب والالالالام صح الالام كانت خفيفه في بديه فتح الرحم بس زادت الالالالام يوم انفتح رحمي 5سم بس على الالام الي كنت اتألمها انا من النوع الي يصبر ولا احب اطلع صوت او اصرخ كنت اقرا كتاب مرره زين عن ورد الولاده كله اياات والله جلست اقراه 3 مرات بصراحه حسيت ان ولادتي مسهله من هالكتاب خطيررررر يابنات اسمه (فيما جاء في ورد الولاده)



المهم وانا اطلق اتالم بصوت هادي عشان ماتتعسر الولاده وزوجي جنبي يهدي فيني دخنا مرررره واخر شيء يوم جت 8 الليل عطوني صناعي عشان ماتخف المويات في الغذايه حطوه وبدت الطلقات تهد حيلي ومن التعب صار وجهي لونه اصفر مع اسود لاني تعبت الطلق طووول معاي:( وجلست اقولهم بسرعه ولدوني مااقدر اتحمل بس كانت معاي فلبيني فضيعه نفسيتها تجنن وهي مسلمه بس تقرا علي المعوذات والقران وتهديني وتخفف علي وكل دقيقه تقول يالله قربت الولاده وانا انبسط ان قالت كذا وهي تكذب علي ياحبيلها عشان انبسط والله يابنات النفسيات بالحمادي تجنننننن والرعايه خطيره الشيء هذا خفف علي واخر شيء قالو يالله يالله ولاده على طول انبسطت ابي الطفل يطلع بس خايففه مره ماكنت ادري ايش هي الولاده ودخلت الدكتوره الي تولدني يوم انفتح رحمي 8 سم وهي مبتسمه ووجهها مرييح وتخفف علي هي دكتورخ بالحبيب اسمها زهيه كمكم يابنااات خياليه مررره رهيبه على طول بدت تولدني وانا مااقدر ادفع من التعب وهم يقولون ادفعي واتحمل وادفع وانا ميته تعب اتحمل بس عشان يطلع الطفل وادفع من دون صراخ لاني يوم جيت بدفع صرخت صرخه بسيطه وقالت لي الدكتوره لاتصرخينن لانك بتتعبين والطفل مو طالع قالت اصرخي بنفسك المهم الحمد لله ماصرخت بس جلست ادفع واخر شيء على طلعه الراس وقفت وكلهم صرخو لان الطفل يموت او يجيه شيء ان وقفت بالراس لازم استمر واستمريت وانا اتنفس تنفس لين ماطلع الطفل ياسلالالالالام احسسسسن لحظظظه كأني مولوده من جديد وطلع الطفل وانا ماحسيت فيه من التعب بس صراحه قعدت اصيح من الفرحه ماصدقققققت طلعه الطفل خذت مني ربع ساعه بس وجلست الدكتوره تمد ح في الصبر الي صبرته ولا صرخت لان حسيت الطفل طلع على طول من التحمل


بس يابنات بعطيكم نصيححه واذا اتبعتوها ربي انشاءالله يسهل عليك ولادتك00

حاولي تقرين الاذكار اثناء الطلق حتى لو كنتي تتألمين اقريها وانتي صبوره


لاتصرخين عند طلعه الطفل لان هذا الشيء يسبب عسر الولاده


التنفس عند الطلق وطلعه الطفل بشكل صحيح




وانصحكم بعد انكم تولدون بمستشفى الحمادي لانه بصراحه احسن مستشفى من ناحيه الرعايه والراحه ويكفي النفسيااات الفلبينيات شيء خيالي وتوليد زهيه مررره خطير ويكفي خياطتها


ويابنات الي يتحرون وينتظرون ولادتهم والاخص البكر لاتخافون من الولاده صح هي متعبه بس مو على كلام الناس ولا تسمعون كلام الناس لانهم يكبرون السالفه ويصعبونها مره وانا اقولكم توكلو على الله وادعو ربكم بالذريه الصالحه






معليش فلسفتي كثيره وطولت عليكم بس انشاءالله استفدتم