للصمت حكمه @llsmt_hkmh
كبيرة محررات
باركولي ربحت 200ألف من شركة الإتصالات
النصب يا جماعة يتطور بشكل مذهل
حدث معي.
اتصل بي شخص من رقم غريب .....!!!
بدأ بالتحية وأخذ يعرّف بنفسه
معك أحمد غلام من شركة الاتصالات السعودية ( stc ) سوا
قلت: تفضل
فقال : لقد ربحت من شركة الاتصالات السعودية جائزة بمبلغ 200 ألف ريال سعودي
اضافة إلى 3 أشهر مكالمات داخلية وخارجية مجانية
قلت : طيب والمطلوب مني
قال : بعطيك رقم الشريحة الخاصة بجوالك عشان نتأكد انك انت الفائز بالجائزة و رقم الشريحة هو 899660 والمطلوب منك الآن تقفل جوالك وتخرج الشريحة وتتأكد من رقم الشريحة واتصل فيني إذا كان مطابق للرقم 899660
قلت : طيب وبالفعل طفيت الجوال وطلعت الشريحة وشفت الرقم المسجل عليها وهو نفس الرقم اللي أعطاني 899660 وعلى طول ماصدقت خبر انا فايز بالجائزة 200 ألف يا شيخ وعلى طول رحت اتصلت علية وقلت له الآن طلع رقم شريحتي نفس الرقم اللي أعطيتني
قال: مبروك ألف مبروك يا شيخ أنت في أي مدينة
قلت : في الرياض
قال : طيب احنا في الشرقية ونبي رقم حسابك ورقم بطاقة الأحوال عشان نحول لك الـ 200 ألف ريال
قلت :وشلون شركة الاتصالات مالكم مكتب إلا في الشرقية و بما أني فايز بالجائزة فلابد أن يصدر شيك باسم الفائز ما هو تحويل بنكي ( هنا دخلني الشك واستغربت من طلبه رقم الحساب البنكي )
قال: لا مالنا مكتب إلا في الشرقية وانا الحين لازم اسجل رقم حسابك البنكي و رقم بطاقة الاحوال المدنية و إلا بتروح عليك الجائزة
قلت : ما فيه مشكله شوي واتصل فيك
المهم اني دقيت على واحد من العيال يشتغل في الاتصالات السعودية وسألته قال انتبه من هالنصابين وسألته بخصوص رقم الشريحه 899660 قال هذا الرقم موجود على كل شرائح الاتصالات السعودية مهوب على شريحتك بس وفعلا انا فتحت أكثر من شريحة وطلع نفس الرقم ( 899660 )
لذلك احذروا من هالنصابين
نقلته لكم لأخذ الحيطة والحذر
حسبي الله ونعم الوكيل
64
4K
يلزم عليك تسجيل الدخول أولًا لكتابة تعليق.
ام ريتااال
•
حسبي الله ونعم الوكيل
يسلموووو اجل ٢٠٠ الف من الاتصالات ربحتها من غيييير تعب
اذا حافز وحقنااااا ماااشفناه ....... ياحليلهم هاالنصابين يعطوونك احسسساس
انك صرتي غنيه وكذا وفزتي وشعور حلو احلى من حاااااافز وطقته
شووووووووووكران ع التنبيه <<< ^__^•
اذا حافز وحقنااااا ماااشفناه ....... ياحليلهم هاالنصابين يعطوونك احسسساس
انك صرتي غنيه وكذا وفزتي وشعور حلو احلى من حاااااافز وطقته
شووووووووووكران ع التنبيه <<< ^__^•
الصفحة الأخيرة