باركولي ربيت.. بس لين الحين أعاني من آثار الحمل والولادة؟؟

السلام عليكم ورحمة الله وبركاته

اخباركم بنات ..بفضل الله تعالى ومنته ولدت بالسلامة ويبت ولد اسأل الله انه يجعله من الذرية الصالحة ويعطيه العقل والصحة (قولوا آمييييييييييين) والحينه ماشالله ولدي عمره ست شهور وكانوا معاي بنات من المنتدى موعودهم كان مع موعدي ..اتمناهم ربوا بالسلامة بعد :) :)

والحمدلله ولادتي كانت ميسرة باذن الله
ولكن بعد الولادة انصدمت من جسمي لأانه ما رضى يرد مثل قبل ونفسيتي واايد زفت بسبته وخاصة ان ريلي بدا يعلق تعليقات علي فبعد ما كان جسمي ماشالله قطعة وحدة ورشيق ..استوت له تغيرات يا علم متى بتخلص منها فياليت اي وحدة منكم عندها خبرة عن حل هالمشاكل اتساعدني
1) السمار اللي تحت الأبطين ويوم كانت حامل كان سواد والحمدلله فتح واايد بس ما رديت مثل قبل ولايع جبدي منه

2) الخطوط الحمرا على الفخذين
3) بديت استوي مليانه شوي وبطني بدا يزيد حجمه يعني كريشة صغيرة وااريد اشدها واتخلص منها بأسرع ما يمكن

دخيلكم لا تبخلون علي والله يرزكم الجنه وياليت تعطوني شي مجرب