أنا وخواتي متعودين كل يوم أربعاء نطبخ أي صنف لذيذ ونتجمع عند الوالدة ( الله يخليها لنا)
وطلعت البارح من الدوام تعبانه وما أمداني أسوي طبخة ، وبنفس الوقت كانت المقادير ناقصة
المهم اللي صار قلت خليني أروح لمطعم مشهور كل أهل تبوك عليه ، آخذ اللي أقدر عليه
وأوديه معاي لبيت أهلي ، وبعد ما اخترت الأصناف وكان العامل يحط الأكل بالأكياس ، وما
أدري إلا وعيني تطيح على ( صرصور ):09: يتمشى على الشباك اللي خاص بالمشويات ونسيت الناس اللي واقفين
وولدي اللي يستنى العامل يخلص وقعدت أراقب هالصرصور اللي قاعد يتمختر على كيفه وكأنه
المشرف على عمال المطعم ، وغفلت عيني لحظة وارجع التفت أدوره إلا والصرصور مختفي
والله يا جماعة الخير إني مت من القهر :mad: ولو إني ما أخاف المشاكل والاحراجات مع الناس الموجودين وقاعدين يشترون كان
صورت الصرصور ، وفضحتهم ، بس إني تذكرت إن هذا المطعم قفل أكثر من أربع مرات
ويرجع ثاني يفتح ( الظاهر إن صاحب هالمطعم له ظهر وكراع بعد ) المهم لما وصلت للمحاسب
أنا وولدي0
قلت له : عندكم فليت؟
قال المحاسب : (شكله أردني ) ايش بتقولي؟
عدت السؤال وأنا مصرة قلت له : عندكم فليت؟( يعني بف باف يعني ريد )
الا وولدي من الربكة قال : فليت ، فليت (وولدي ما هو عارف ايش السالفة )
قال المحاسب : لأ ليه ( وعلامة الاستفهام على وجهه كذا ( ؟ )
قلت له : عشان ترشون الصرصور اللي يتمشى على شباك مطعمكم
قال وبكل برودة:( الظاهر انه يستغفلني) : يا اختي ما انتي عارفة ايش اللي صار
قبل أربع أيام صار حريق في المحل وطلع كل هالشي0
قلت له : آآآآآآآآآآآآآآآآآه تقصد لما صار حريق كل الصراصير اللي عندكم طلعت من جحورهاتدور البراد؟
( أسأله واستهبل وأنا ميتة من القهر منه )
قال : طيب طيب ( يعني روحي ظفي وجهك )
( وكأنه يقول والله اللي ما اطوليه بايديك طوليه برجليك)0
طلعت ( مندوبة مكافحة الفساد )
وبعد ما طلعت من المحل إلا وولدي ينتفخ عليّ
ويقول لي : ليه هالاحراج لازم تقولي هالكلام اللي ما له داعي0
قلت لولدي ( تراه بثاني ثانوي ) ادعوله ربي يوفقه عنده آخر الشهر الجاي اختبار قدرات
( وحدة طلعت عن الموضوع (شفتوا كيف الأم قلبها حنون بالرغم من إن ولدها يهزئها ) ، المهم
قلت لولدي : أنا ما أحب أحد يستغفلني0
قال لي : إيه أنتي تقولي الكلام هذا وانتي وجهك متغطي ، وأنا وجهي مكشوف يعني مت من الإحراج
وأنتي تقولي هالكلام 0
المهم رحت لأهلي واعلمهم السالفة ( بس أمي وخواتي ) إلا ما بين مستنكر
وضاحك طبعاً ما اقدر أقول لاخواني والله غير ياكلوني لو عرفوا اني طقيت حنك مع هالشامي0
**************************
الآن وبعد ما حكيت لكم اللي صار هل صرتي يوم من الايام عضوة في هيئة مكافحة الفساد؟؟؟
واي عضوة من اهل تبوك بتعرف هذا المطعم ولو اني ما اخاف موضوعي ينحذف كنت قلت لكم اسم هالمطعم لاخذ الحيطة والحذر
وسلااااااااامتكم
بخور البيت @bkhor_albyt
عضوة فعالة
يلزم عليك تسجيل الدخول أولًا لكتابة تعليق.
وععععععع
بس أنَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ تقولين مقفل اربع مرات
يعني مطمعه مشكوك فيه كيف تطلبون منه وهو مشكوك بنظافته
بس أنَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ تقولين مقفل اربع مرات
يعني مطمعه مشكوك فيه كيف تطلبون منه وهو مشكوك بنظافته
شكراً على ردودكم الطيبة ، والله انعميت وما اتذكرت الا وانا طالعة لان مطاعم تبوك حدث ولا حرج بس هذا المطعم والله راح من بالي، ما اتذكرت الا وانا اتناقر مع هالشامي0 ( لا يكون اللي في بداية الزهايمر)
hnf
•
الله يهديك ليش اشتريت منه يمكن الصرصور يوم اختفى طلع في مشوياتك ,,,
هذه مشكلتنا يالسعوديين نسكت ونستحي وهالاجانب والمحلات يوكلونا الاكل الفاسد والعفن ...:mad:
هذه مشكلتنا يالسعوديين نسكت ونستحي وهالاجانب والمحلات يوكلونا الاكل الفاسد والعفن ...:mad:
الصفحة الأخيرة
بس بصصراحتن ماعاد اكل من المططاعمم ككثير
مره وقف اخخوي عند مططعم يبي يطلب لنا شاورما واللي يسويها مايلبس قفازات وعرقه يصصب
لووع تسسسبدي
من بعدها كككرهت اكل المطاعم
مافيه احححلى من طبااااخ امممي
واحسسن لك تبلغي عنهمم عشان صحت الناااس
والله ياخوفي يطبخ لكم الصرصور بالاكل < بخوفك خخخخخخخخخ
..
اسستغفر الله واتووووب اليه