باركولي على قدوم محمد بالسلامة

السلام عليكم ورحمة الله وبركاته حمدلله ولدت بالسلامة وجاني محمد باللسلامة والفال لكل الحوامل الله يسهل عليهم ويقومون مع عيالهم كلهم بالسلامة اللهم آمييييييييين. والبنسبة لقصة ولادتي فهي كالآتي:

انا كان باقي لي يوم واكمل 40 اسبوع ورحت يوم السبت المستشفى قلت اشوف الوضع هل في أمل للولادة ولا لأ فحصتني الدكتورة وصرخت علي لأني تأخرت عن موعد الفحص اسبوعين وقالتلي ريولك وارمة وايد ووضغطك عالي يلا دشي الحين المستشفى ونحطلك طلق صناعي المهم قلتلها بروح البيت ساعة وارجعلك قلت ألم اغراضي طبعا هي عصبت وقالتلي ليش تروحين البيت خليكي انا ماراح انتظر ولا راح أداوم بالليل واي طبيب في الطوارئ راح يولدك ( كانت بتخوفني يعني ) المهم انا صممت على الرجوع ومريت مكتب الدخول عشان احجز جناح فقالولي مافي جناح فاضي ولا عندنا فكرة متى اول جناح راح يفضي المهم شاورت نفسي وقلت انا اصلا مو عاجبني كلام الدكتورة وفوق هذا مافي جناح وانا اصلا مجهزة نفسي على اني اسوي استقبالي في المستشفى ومشيت وانا في الطريج اتصلت بمستشفى ثاني وسألتهم عن الاجنحة فقالوا متوفرة الممهم رحت البيت ولميت اغراضي ورحت على المستشفى الثاني فحصتني الدكتورةو قالتلي متوسعة 2-3 سم وقالتلي بعدك بكرية حرام تدخلي المستشفى من الحين يلعبون فيكي روحي البيت واشربني دارسين وخروع عشان يحمي الطلق شوية وقالتلي لو جالك طلق تعالي لو ماجاكي برضو تعالي بكرة على 10 بالليل عشان مانبي حجم البيبي يكبر وايد المهم شربات خروع ورجعته طبعا معدتي ما استحملته فحطيت تحاميل جلسرين وشربت دارسين وسويت تمرين القرفصاء عشان أتوسع أكثر ومع هذا لحد الموعد اللي حددته الدكتورة ماجاني طلق ولا شي الا الم بسيط بالظهر كان متواصل من اخر الثامن وكنت احس بثقل من تحت المهم فحصتني الدكتورة مرة ثانية وقالتي 3-4 سم وان راس البيبي مونازلة بشكل كامل وقالتلي ارجعي البيت ومن هنا ليوم الاربعاء شوفي ولو ماجالك طلق تعالي ولا تستنين لأن حجم البيبي بيكون وايد كبير وراح اتبهذل واحتمال القيصرية بيزيد المهم رحت البيت وشربت ارسين وايد وتمرين القرفصاء وخذت ملينات وعدى الأحد والأثنين من غير شي لحد الساعة 2 تقريبا بالليل من يوم الاثنين وانا تكرمون أتنشف من تحت شفت مخاط بلون وردي فاتح فقالت امي الحمدلله هذي علامة ولادة وخصوصا اذا كان الجنين ولد وقالتلي امي اتبخر عشان اتوسع اكثر بس بعدين غيرت رأيي وقلتلها لأ لأن خفت يزيد علي الطلق بالليل وانا ابي اروح مع اختي وهي ما تقدر تطلع متأخر جذيه فقلت خلاص اكيد الطلق بيحمى لحاله وخصوصا ان سالفة المخاط اتكررت ولما طلع النهار جتلي اختي ولمينا الآغراض ورحنا المستشفى مع ان ماكنت احس بألم ولا طلق فقالت امي يمكن طلقي بارد ورحت للدكتورة فحصتني وقالتلي ما صار اي توسع من بعد اخر مرة يعني يومين وظل التوسع مثل ماهو 3 -4 سم وراس البيبي بنفس الوضع وحطوني على جهاز التخطيط و قالتلي الدكتورة في طلق خفيف جدا بس حركة البيبي كويسة وورت النتيجة لدكتور اكبر منها فقالي لازم تطلعي جناح الولادة لأن الطلق راح يزيد ورحت فعلا للجناح وحطوني على الجهاز مرة ثانية بعد ماعطوني حقنة شرجية وبعد مدة جت نفس الدكتورة اللي فحصتني الأيام السابقة وقلتلها ها اتحسن الوضع ولا لأ فقالت ابدا مافي طلق ولا اي توسع فلازم نحط الطلق الصناعي تبين اي تخدير فقلت اسوي فيها جنغر وقلت مابي ابرة ظهر كافي الكمام والمسكنات بس لما بدا عوار الطلق الصناعي وشفت الآلم حسيت بالموت قلت خلالالالالالالالالالالالالاص توبة ابي ابرة الظهر فعلى ماجت الدكتورة كان اشتد وايد مابين طلقة والثاية أقل من دقيقة وحططتلي ابرة الظهر والحمدلله ابتدا ألما لطلق يخف شوي شوية وبعد مدة زاد التزسع وصار 7 سم والدكتورة تقولي كل شوي ادفعي ادفعي لحد ما ولله الحمد شرف محمد بالسلامة بس بعد ما طلعت روحي واضطرت الدكتورة تشقني من تحت شق كبير لأني ضيقة من تحت .:42:
فالحمدلله من قبل ومن بعد ولله المنة والفضل على النعمة والصحة والسلامة وعقبال كل الحوامل وأسأل الله أن يرزق كل محرومة بالذرية الصالحة البارة السليمة دينا وخلقا وخلقة اللهم آميييييييييييييين:) ولكن تبقى بالقلب غصة اسولف لكم عنها بعدين ان شاء الله