باركولي لقيته ابي وحدة مجربته بسرررررررررررعة ردووووووواااااا علييييييييييه

السلام شلونكم شخباركم حمدالله بخير الله يسلمكم حمدالله والشكر اسأل بروحي واجاوب بروحي

المهم . بنات انا شريت زيت انووووب .
وخايفة من استعماله لان يوم وصية خالتي جابته لي بس يوم شفت شكله تخرعت
قلت معقولة هذا ينحط بالشعر وسألت خالتي انتي متأكدة شاريته من عطار اخاف من بنجرجي

المهم بقولكم على شان ما اطول عليكم:
ابي اتأكد من شكله انا اللي عندي علبته زجاج لونه بني غاااااااااامقققققق على اسود والزيت لونه اسسسسسسسود كأنه زيت سيارات حتى جامد من البرد.
والغطا لونها اخضر ومكتوب عليها انوب بالانجليزي وفيها من الوسط دائرة بيضة وداير ما دايرها كتابة بيضة بالانجليز( herbal . remedies . ( india) . arshik )
هذي العبارات المكتوبة على غطا الزجاجة نفسها اللي فيها الزيت.
وعلى الزجاجة ورقة لونها اخضر وشوي مع ابيض بس مو اخضر غامج لا اخضر فاتح.
وفيها دائرة لونها اسود ومرسوم عليها ورقة خضرة كأنها ورقة بقدونس او كزبرة مدري كرفس .
طبعاً بأرضية الزجاجة محفوراسم الزيت انووب .
ومكتوب بعد هيربال اويل 100%طبعاً بالانجليزي
وفيه 50 مل.

المهم الحين انا شريته وكله انجليزي وماني عارفة شلون استعمله وجم اخليه بالشعر وجم مرة بالاسبوع احطه وشلون احطه وشلون اغسله واقدر اخلط معاه شي اولا بصراحة شكله مثل الدوا .
اي صح وكرتونة اخضر فاتح مع ابيض وعليه رسمة ورقة خضرة يمكن ورقة بقدونس او كزبرة او كرفس مثل اللي على زجاجة الزيت.
ومن شريته وانا بس اطالع فيه خايفة منه والله يعني حتى خالتي تقول : الهندي مافهمت عليه يوم سالته عن طريقة استعماله.
فقلت مالي الا اخواتي العزيزات بنات حواء يعلموني لاني ماعرفته الامنهم .
فأتمنى انكم ماتبخلون علي وتعلموني .
وعلى فكرة انا شعري ناعم وطوله متوسط وفيه كثافة بس مشكلتي التساقط وشوية تقصف وابيه يطول زيادة.
يعني حتى اللي يشوفني يقولي شعرج خاف ؟
يعني عقب هالبربرة ينفع تستعمله اللي شعرها ناعم يعني اللي مثل حالتي .؟ مايأثر عليها.
وشاكرة لكم واسفة لاني طولت عليكم وناطرة ردودكم.