علومكم بنات حواء حبيباتي
عساكن إلا بخير
شو أخباركن .. الصراحه كل يوم أقول راح أكتب لكم تجربتي بس قلت .. لازم أكمل بالنظام الغذائي وأجوف لين وين راح أوصل وهل راح أنقص من 27 لين 30 كيلو بشهر واحد .. عشان أعرف النتيجة النهائية .
بسم الله الرحمن الرحيم
طبعا أنا ماراح أقولكم معاناتي كيف مع أنواع كثيره من الأنظمة الغذائية لأن فعلا لاعت جبدي
لكن في مره من المرات وانا أمس الرسايل عندي بالمنتدى لقيت رسالة وحده من الخوات مطرشه لي نظام غذائي من موقع ينقص الوزن من 27 لين 30 كيلو بالشهر .. لكن أنا ماسويت سالفه سوي كوبي بيست للنظام الغذائي وحفظت ومسحت الإيميل .. المهم وقبل شهر بالدفه قلت فتح ملف الرشاقه وجفت النظام وقلت ليش ماأجربه مدام راح أنقص هالكيلوهات .. وقلت هذا آخر نظام غذائي بحياتي أتبعه .. وبس وصارت عندي إرداة 100 %
وتوكلت على الله وجهزت معدات الشهر كامل وصدقوني إتبعت النظام بحذافيره
المهم أول يوم توزنين وزنج الصبح وتبدأين بالنظام وبعد 15 يوم من النظام تقيسين وزنج .. وآخر الشهر تقيسين وزنج . وبعدين لو بتكررين النظام لازم تاخذين وقف .. يعني راحه كمن يوم بس .. مش تاكلين بشراهه
المهم حبيباتي إتبعت النظام ومع الإلتزام بالمشي ساعه يوميا .. وأنا مشيت أول إسبوع بس وباقي الأيام مامشيت ولا شي .. لأن عندي ظروف .. أولا دراستي ثانيا وأهم ظرف يدتية ( جدتي ) تعبانه كثير ونايمه بالمستشفى لين اليوم تخيلوا . :( الله يعافيها ويقومها بالسلامه
المهم
بس الحمد لله على كل حال 10 كيلوا تراها نعمة .. أحمد ربي وأشكره
وهذا النظام ماأبغي أخربط وأقول كلام كثير النظام حلو وسهل وماصار فيني شي ولله الحمد
أكثر من السوائل ( الماي - الشاي الأخضر - الشاي العادي بدون سكر - القهوه )
تفضلوا حبيباتي النظام وأي سؤال أنا حاضرة
على فكره أنا كلت بدال اللحم والسمك .. دجاج لأن فصيلة دمي ماتساعدني آكل لحم
وفالواكه كلت تفاح
كل وحده يوم بتسوي النظام لازم تتذكر شو البدائل من فصيلة دمها
أوكي أوروفوار
:42:
ومكتوب فوق 100 إذا عاادي أسوية قوليلي الله يعافيج