اللهم لك الحمد كما ينبغي لجلال وجهك ولعظيم سلطانك
الحمد لله الذي رزقني أُبيّ سليماً معافاً
والحمدلله من قبل من بعد
اللهم ارزق كل متمنية وكل محرومة وكل حامل وكل زوجة وكل فتاة الزوج الصالح
قصة ولادتي
يا بنات رح اكتب باللغة العامية واسفة لذلك
بس انا من اول حملي وانا كل يوم بفوت عالمنتدى وعم اتفاعل مع خواتي في الله الي ما قصروا معي بالنصائح والدعم النفسي والمعنوي ووكرمال هيك حاليا حاسة حالي عم احكي مع ناس كتير قريبين على قلبي :39:
من بداية حملي ما كنت مصدقة اني حامل يمكن لان كان عندي مشكلة صغيرة وكانت مسببة منع حمل ولما حملت كتير تفاجانا انا وزوجي وحمدنا الله وشكرناه على النعمة
احد اهم الاسباب عدم تصديقي للحمل هو الولادة والام الولادة والقرار الاول والاخير للولادة كان ولادة قيصرية
وكنت اتابع عند الدكتورة فاطمة العسيري الله يجزيها الخير وخبرتا اني حابة اولد قيصري نصحتني بالطبيعي وقالتلي اسالي زوجك لكم ولد حابين يكون عندكم لان القيصرية بيعني مكسيموم 4 ولاد
قلتلا اوك ما عنا مشكلة
ويا بنات زوجي اتصل بكل عيلتي كرمال يقنعوني غير رأيي وانا عبث مصرررررة
وكنت من اول حملي حابة اولد بالحبيب الريان لان قريب على بيتي والدكتورة فاطمة العسيري ما عندا عقد معن بالاضافة ان لما سالتا عن الخياطة الطبيعي قالت ما بتخيط لبعد تالت ولادة وهاد احد اسباب رفضي للطبيعي
فانا قلت لزوجي انو القيصرية المهم فيها الدكتور يكون جراح شاطر والمشفى لا يعلى عليه
فقلتلو بدي روح اولد مع د سنية الطيب قيصرية
المهم يا حلوييييين عملت استخارة اخيرة ورحنا عالمشفى اول الامر قالو الموعد مع د سنية بعد 40 يوم ورحنا المدير وزوجي عصب علين بالاخر اخدو رقمي وقالو بيتصلو علي
بعد يومين بتتصل بتقلي انو الدكتورة مشغولة كتير ولو بتحبي تاخدي موعد عند دكتورة تانية قلتلا لو دكتورة تانية انا بشوف غير مشفى " صار الموضوع عناد هههههه" ففجاة بتقلي خلاص تعالي بكرة عند د سنية
رحت دخلت بتقلي الدكتورة قبل ما تشوف الملف خير ليش قيصري قلتلا والله ما في سبب بس انا حابة هيك
تفاجأت وقالتلي ليش ما قالولك اني ما اولد على الطلب قيصري الا لسبب طبي
وانا هون يا بنات فقعت بكي قلتلا ليش يا دكتورة ولازم تحترمي رغبتي وصارت الله يجزيها الخير تشرحلي وتحكيلي وانا مصرة وقلا انا الي رح اولد وانا الي رح اتوجع ومن حقي اختار الطريقة بالاخير قالتلي رح اعطيكي موعد للاسبوع القادم لو غيرتي رايك على الطبيعي نتابع مع بعض ولو ضليتي مصرة بحولك عند دكتورة تانية وانا كمان بهي اللحظة بلشت ابكي من جديد وكتبتلي الله يجزيا الخير اسما سور بالقرآن قالتلي كرمال تهدا نفسك واستخيري وتعالي
رجعت وانا مغيرة رايي للطبيعي سبحان الله ارتحت وكان شرطي على الدكتورة انو هية الي تولدني لو غيرت للطبيعي وتابعت معاها وسكرت شهري التاسع وما اجاني طلق قالتلي بصبر عليك 10 ايام لو ما صار تجي واعملك طلق صناعي
والله ما اراد ورحت يوم 12 مارس لتعملي طلق صناعي وبديت بالطلق من الساعة 8 صباحا حتى 12 مساءا فتح الرحم 3 سم فقط ووقتا طلبت من الدكتورة اخد ابرة الضهر اخدتا وحتى الساعة 11 الظهر تاني يوم كان فاتح رحمي 7 سم فقط ووقتا نزل نبض البيبي فجأة وتعب وقررت د سنية الدخول للولادة القيصرية فورا
وعملت الولادة ببنج مخدر نصفي وسبحان الله الساعة 12 الضهر وانا مخلصة من العملية
العبرة يا بنات والسبب الي نزلت قصتي
الدكتورة فاطمةكانت حتولدني قيصري ب 14 فبراير وانا عمليا ولدت ب 13 مارس يعني لو ولدت معاها كان عمر ابني شهر
لكن انا اريد وانت تريد والله يفعل ما يريد
الله كتبلي القيصرية لما انا قررت الطبيعية وما راد لي القيصرية لما انا ردت القيصرية
وبعدين الله ما حرمني اجر وثواب الاولادة الطبيعية ولو اني تعبت وكاني ولدت مرتين ولكن ما بقول الا الف الحمدلله من قبل ومن بعد
واسفة على الاطالة وان شاء الله تكونوا ااستمتعتوا بقصتي
جمان سورية @gman_sory
عضوة نشيطة
يلزم عليك تسجيل الدخول أولًا لكتابة تعليق.
أم ضــــي
•
آلف الحمد لله على السسلآمه
الصفحة الأخيرة