مساء الخير ياأحلى كروشات عالم حواء
أنا أزور القسم هذا بين فتره وفتره وكلي أمل بالله أن أحمل وخاصة
اني تعرضت للتسقيط الثاني قبل سنتين وعندي أربع أولاد الله يحفظهم لي وبينهم تسقيط ايضاور اجعت الدكتوره عشان الحمل لأني طولت اخذت سنه وسبع شهور مافي حمل قالت عندك ألتهابات وعالجتها شهرين وقالت التبويض كويس مافيه مشكله وسويت أشعة صبغه عشان تتطمن على الأنابيب وطلعت كويسه والشهر اللي بعده خلتني طبيعي وبعده عطتني منشط كلوميد جرعه خفيفه وماصار حمل وبعدها سويت حجامه وتابعت الدكتوره قالت التوبيض ممتاز وماصار حمل وتركت الحجامه لأني بالدوام وماقدرت بالبرد وتركت المراجعه بعد وصرت أدعي ربي بصدق وأستغفر وأتصدق بنية الحمل وأقرأ على نفسي وقت الدوره وأتدهن بخلطة الرويس للحمل وأخذت علاج شعبي من حماتي أخذته شهرين وقت الدوره وبعدها بس ماكنت منتظمه بالي بعد الدوره وشربت اناناس وبردقوش والشهر اللي فات ماجت الدوره وحسيت بأعراض الحمل ولما تأخرت سويت تحليل منزلي وطلع واضح وفرحت كثيرا وسجدت لله شكراوحمدا وعانيت من الغثيان والأرهاق والرغبه بالنوم وكره الروائح ورحت للدكتوره قبل ثلاث أيام وحسبت لي قالت انتي حامل بشهر وأربع أيام وحسبت موعد الولاده وقلت لاتسوين سونارمادام النبض مايبين اللحين قالت لسا بعد أسبوعين وبعدين سوت سونار عشان أشوف الحمل طبيعي طلع الحمل شهر ونص ومبين النبض قالت شلون
انتي حامل من الدوره مايجي أكيد حسابك غلط !!!قلت أنا متأكده من موعد الدوره قالت عطيني الشهر اللي قبله وطلع نفس اليوم قالت سبحان الله!!! يمكن تبويضك بدري بعد الدوره مباشره والحين أنا محتاره فيه يجي بعد الدوره مباشره ؟؟؟ مع أنها يوم تابعني تقول تبويضك بعد أسبوع من الدوره شيء غريب والله ومحيرني وأذا حسبته يكون حامل من ثاني يوم من الدوره معقوله شلوووووووووون !!!!:06:
أدعوووووولي أكون حامل ببنيه تامة الخلقه والخلق وتكون من الصالحات تكفووون يابنات تقرأ اللي موضوعي تدعيلي ياما دعيت لكم بضهر الغيب والله الشاهد........
مرج عيون @mrg_aayon
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
الحمدالله ..