باركولي ولاول مره من ........

باركولي خواتي ولاومر من اربع سنين احد من اهلي اتصل وحزرو مييين ؟؟
اختي شقيقتي الصغيره اللي ما شفتها من اربع سنيين ويا دوب خلصت مكالمتي معاها..:icon28:
شوفوا ايش صار اختي هي الان عند صديقتها تدرس عندها علشان الاختبارات وام صديقتها عارفه حكاية اختي وعطتها الجوال حقها علشان تكلمني وكانت اختي عندها جوال زوجي اخذته من اخر مكالمه وطبعا قلت لكم ايش قالت في احد مواضيعي وبصراحه كنت زعلانه منها كثيييير..:(
خلوني اقول وش صار لا نكم خواتي .
اول شي اختي اتصلت على زوجي ورد عليها وما كان موجود في البيت كان في عمله واول ما سمع صوتها علطول على البيت علشان اكلمها >>>> شكله راحمني لاني ما حد من اهلي اتصل على..
دق علي الباب وفتحت له وقال انا عندي مفاجئه لك قلت ايش؟؟ طلع الجوال وقال كلمي قلت مين قالي بس كلمي وبتعرفي مييين ؟؟
وما حطيت السماعه على اذني الا واسمع صوت اختي الصغيره وشوفي يادموع زي النهر من عني وبسبب بكاي صرت اشهق ما ني مصدقه شكلها حتى هي بكت وصارت تعتذر مني وتقول سامحيني والله ما كان قصدي ارد عليكي ذيك المره بهذيك الطريقه بس اخوي شاف رقمك في الكاشف وقال لازم ما تدق علينا هذه ال.........وقالي ارد عليكي بهذاك الرد انا اسفه بس والله لو قلت كلمه ثانيه والله ممكن يذبحني وانتى ادرى بالممكن يسوويه ....
وصارت تسولف معي ولاول مره اعرف انها تدرس صف ثاني متوسط وانها ناجحه والحمد لله بس مرت اخوي عذبتها كثييير مخلياها خدامه عندها هي والاودها حسبي الله عليها ... وانها ما تخليها تجلس معاهم لها غرفه خاصه 24 ساعه فيها لحالها وما تخليها تاكل معاهم لااااااااا لحالها والغسيل عليها الكنس عليها والكوي عليها وكل شي عليها وياويل اذا فتحت فمها بكلمه بيكسروها هي واولادها الكبار وقالت انها من فتره كانت عندها صوره لامي وانا وهي وشافوها وحرقوها وقالوا عنا كلام ماهو كويس وخلص شحن اختي ..:(
زوجي شافني مشتاقه كثييير لاختي وعلطول راح اشترالي بطاقه بميه ريال جزاه الله خير اول مره يسويها ..
واتصلت عليها وردت هي وكملت المكالمه معاها تخيلوا ما تعرف انه صار عندي بنت ولا اني حامل ولا شي ؟؟
وصرت اقول لها ايش صارلي وهي كمان الى ان خلصت البطاقه وقبل ماتخلص البطاقه شوفوا البكى كييييييف والله عيوني ورمت كثثثثير وانتفخت وبصراحه ماكان نفسي يخلص المكالمه ابد بس وش نسوي بس قالت لي ادعلي انجح في الاختبارات >>>>يارب تنجح اختي ادعولي انتو كمان علشان انا واختي نجتمع من جديد وانها تنجح وانه يرسل لها ابن الحلال اللي يبعدها عندهم ويسعدها >>>>>> اميييين

والله حاسه حالي الان الارض ومن فيها ما تسع فرحتي والله بصراحه ابغى اصرخ ابغى ازغرط :icon28: ابغى اصرخ وقول الحمد لله احد سال عني ولسه اختي ما نستني والله سجدت شكر لله في المطبخ :22: من الفرحه وهو مغسووووول وصار ريحت شعري كلوريكس وتايد بس والله من الفرحه بس والله حاسه قلبي يبغى ينط من صدري
اسفه بس والله ابغى بس افضفض قبل ما اموت من الفرحه باركولي

لانه صعبه طوال سنين ما حد يسأل عنك من اهلك بس الحمد لله الحمد لله الحمد لله الحمد لله الحمد لله:icon28::icon28: