باركولي ولدت وقصة ولادتي بالتفصيل ...

السلام عليكم ورحمة الله وبركاتة
كيفكم يابنات احلى عالم ان شاء الله بخير
انا ولدت قيصري الحمد لله قبل اسبوع تقريبا
بعد ماخلصت التاسع ودخلت بالعاشر بيوم واحد رحت موعدي وانا واااااااصلة حدي من الثقل والتعب الحمد لله
لاني من دخلت التاسع وانا امشي وامشي وامشي بس بدوون فايدة الرحم كان دايما مقفل
المهم سوت الدكتورة تخطيط وكان معاي الام خفيفة تروح وتجي ولقت ان فيه طلق وقالت بكرة تعالي نشوف الطلق زاد ولاولا والرحم كان مفتوح نص سانتي بس
بعدين رحت البيت وشربت خلطة الا خت ورد تميم اظن اسمها
الي هي يانسون ونانخة وحبة بركة وحلبة وشمر وكمون وحليته بعسل وتوكلت على الله وشربت كوب وصرت امشي والالام تزيد شوي وشوي ونمت الساعه وحده بالليل وساعه ويصحيني الم واقوم واحس مويا حاره نزلت والله يااااني خفت خوووووووووف صرت ارجف واقرا وادعي ورحت اخذت حمام ساخن
وشربت كوب كف مريم وصرت امشي بالبيت وادعي
واكلت تمر واكلت عسل المهم هذا كله خلال ثلاث ساعات يعني اربع الفجر قلت خلاص بروح المستشفى <<بكريه مستعجله
المويا كانت تنزل شوي شوي والالم يجيني كل ربع ساعه
ورحت مع اخوي المستشفى وطول الطريق وانا خايفه وادعي والله يابنات كانت لحظات صعبه الحمد لله
وصلت المستشفى وودوني غرفة المخاض وركبوا التخطيط وبدأت المعاناه
سبحان الله رغم اني والله ماخليت اي شي مسهل للولادة ماسويته لكن الحمد لله على كل حال والله لا يحرمني الأجر ..
وصاروا يكشفون علي كل ربع ساعه او اقل كل شوي تدخل دكتورة او قابلة وتدخل يدها وانا احس الموت كل مره مع الم الطلق الي زاد وكل مره الرحم مقفففففل على نص سانتي
المهم شالوا التخطيط وقالوا اذا تبين تروحين البيت وترجعين العصر بكيفك قلت لا وش يوديني البيت وبعد مانزلت المويا وصار ينزل دم وقطع دم بعد الكشف خفت اطلع
المهم كانت الساعه 10 الصباح ومشيت بالمستشفى وشربت ماء زمزم مقري فيه وشميت حلتيته وتوضيت فيها
واكلت تمر وعسل كل هالاشياء كنت اخذتها معاي ..
وشوي تجي قابله وتكشف والله العظيم ان كشفها كاااان مؤلم دخلت يدها وحركت الجنين
احس روحي طلعت حسبي الله ونعم الوكيل وقالت اني مقفللله والراس عالي شوي نبي نعطيك طلق صناعي
لحظتها جاني يأس غرييييييييييييييب ماراح انساه طول عمري قلت لااااااااااااااااااااااااااااااااااااااا
وجابوا الدكاتره وجلسوا يقنعوني وانا اقول لااا ماابي وجابوا الحقنه الشرجية ويقنعوني وانا جاتني حاله ماابغى احد يلمسني احس لو احد لمسني بموووت او بنتي بتموت لاقدر الله
قلت لهم ماراح يجيب نتيجه الطلق الصناعي ولا راح ينزل الراس بس بتعذبوني وقالت لي الكتورة هذا بعلم الغيب وانتي ادعي انا قلت ابستخير وابي قيصري هنا كلهم تنحوا يقولوا ليييييييه قلت بس ابي قيصري
وقلت دعاء الاستخارة بيني وبين نفسي وقلت توكلت على الله خلاص قيصري وكانت الساعه 11 الصباح
وجابوا الاستشاري وقال خليني اكشف لاخر مررره قلت خلاص قيصري وجلس يقنعني انه ماله داعي وخلينا ننتظر معاكي مهله لمدة يوم عادي قلت ماابي خلاص
قال خلاص جهزي نفسك للعملية
انا هنا انهرت وكلمت امي وابوي وجوني المستشفى وزوجي مسافر مو موجود
المهم وتوكلت على الله والكل كان معارضني ودخلوني غرفة العمليات وجهزوني طبعا تخدير نصفي لاني ماكنت صايمه وكنت ابكي ومنهاااااااارة والكل يهديني بس انا صممت تصميم غريب رغم اني كنت حريصه على اني اولد طبيعي بعد ارادة الله بس حصل شي غريب وقت العملية كل الدكاترة اسغربوا منه .. :09:



بنتي تصيح بروح لها شوي واجي اكمل لكم ...