باركولي ياكروشات ولدت ..........عقبالكم

السلام عليكم ورحمة الله وبركاته

كل الكروشات والامهات واللي ينتظرون الحمل (الله يرزقهم ) يسعدلي ايامكم كلها

حبيت ابشركم اني ولدت فجر الجمعه 30 |1 |2009 م الساعه 5 و40 دقيقه وكانت ولاده سريعه لكن من اصعب الولادات بالنسبه لولاداتي السابقه يعني صراخ مو طبيعي كل اللي بالمستشفى اتوقع اسمعوا صراخي
بس الحمد لله على كل حال طلعت بنوتي بالسلامه وتخيلوا بعز الصراخ طلبت من الدكتورة اتسويلي تجميل احس صج اني متفرغة حتى الدكتورة استغربت اهي والممرضات واضحكوا وسوتلي تجميل والحين اكتب لكم وانا بصراحه انواع الالام من الخياطه الله يستر وتبرى واصير اوكي ادعولي يابنات

ويارب يهون على كل وحده حامل وييسر ولادتها ويرزق كل من تستنى الحمل عاجلا غير اجل


وياريت اتساعدوني على تسمية البنوته ترى توهقت



تحياتي للجميع