السلام علييكم ورحمة الله وبركاته
اهلين بنات اخباركم ؟؟
ان شاء الله بخير ..
حبيبات قلبي انا كنت معاكم بهذا القسم وكنت يمكن كل شوي اقول تاخرت الدوره بسوي تحليل
ادعولي ودايما الاقي التحليل سلبي وياما حسيت باعراض الحمل من كثر مافكر بالموضوع
صرت اتوهم اني احس بجميع اعراض الوحم لدرجة اني اكون ماكلت طول اليوم واحس بدوخه
اقول اكيد حامل مو اني ماكلت شفتوا شلون وصلت الوسوسه
طبعا بقولكم انا صار لي متزوجه سنه و6 شهور طبعا انا حملت بعد زواجي ب 3 شهور وفرحت حيل بس
الحمد لله على كل حال طلع حملي خارج الرحم ولاتذكروني شلون عانيت ..
وسويت العمليه عشان اشيل البيبي
بس الحمد لله ماشالوا الانبوب والله لايوريكم الالم بعد العمليه والنفسيه كيف تكووون اكيد شي لايوصف ..
المهم قالي الدكتور ماتفكرين بالحمل حاليا عشان مايتكرر الموضوع وثاني شي عشان العمليه
وطبعا عطاني موعد بعد 6 شهور ورحت بعد 6 شهور وماكان فيه حمل مع اني اسوي كل شي وطبعا كل شي
بقدره الله .. المهم بعد ماسقطت البيبي يمكن بـ 3 شهور صار يجيني قبل الدوره دم بني وهذا اول مره يصير لي
واستغربت وسئلت الدكتور وقالي عادي ..
ويوم دخلت هالقسم قالوا البنات لا هذا ضعف تبووويض
بس قلت بالبدايه يعني البنات بيكونون افهم من الدكتور وطبعا لما رحت له الموعد الثاني طبعا كان
كملت على حملي الاول 9 شهور قلت يادكتور هل الدم البني يدل على ضعف تبوويض ؟؟
قالي ايه هنا انصدمت قلت طيب ليه ماتشوف تبويضي قالي بنشوف هالشهر وبعدها بنسوي لك اشعه صبغه
وطبعا كنت ميييييييييييييته مييييييييته خوف من هالاشعه ويمكن كتبت هالشي ميت مره من كثر ماني شايله
همها ..
المهم شاف لي الدكتور البتويض وقالي ضعيف تبويضك جدا جدا وهنا ضاق صدري وسبحان الله
موعدي الجاي كان الدكتور كاتب لي اني اسوي اشعه صبغه وطبعا قبل الاشعه بيوم استخرت
وقلت يارب ان كانت هالاشعه بتفيدني يسرها لي وان كان ماهي بفايدتني لاتخليني اسويها
وطبعا رحت اليوم الثاني على اني دايركت اسويها قالي الدكتور سوووري الاشعه مش متوفره عندنا تعالوا المره
الجايه طبعا ماتتخيلون قد ايش كنت فرحانه قلت اكيد خيره بس زوجي كان جدا ضايق وده يفتك من موضوع هذا
من كثر ماني شاغله راسه طبعا في هذا الوقت قررت اني اقرا يوميا سوره البقره ويوميا استغفر 100 مره بعد
كل صلاه بنيه الحمل السليم وكنت بعد كل صلاه اقول سبحان الله 33 مره و الله اكبر 33 مره و لا اله الا الله 33 مره
وكنت اقوم الليل وادعي يومييييييييا ماخليها واوقات الاستجابه بين الاذان والاقامه ادعي وكنت اصوم وادعي
وطبعا هذا الكلام بشهر 8 وعندي موعد بنهايه الشهر قبل رمضان اسوي الاشعه ورحت عند الدكتور وقالي كمان
مش متوفره عندنا بحولك على مستشفى ثاني قلت اوكيه ووقتها دخل رمضان علينا وقام رجلي راح
المسشتفى الثاني طبعا حكومي قالوا مانسوي هالاشعه برمضان وقتها جد جد حسيت ان ربي مايبيني اسويها
ونسيت اقولكم الدكتور عطاني حبوب عشان تنشيط التبويض بس انا مابي استخدم اي ادويه واطيح بتكيسات
والذي منه .. قلت يابنت ليه ماتستخدمين الاعشاب ورحت وقريت من كذا وحده مسويه كذا طريقه وفادها
بتبويضها وقمت جمعت من كل وحده شغله وسويتها كلها الا وهي:
كنت من اول يوم بالدوره اكل من بعد ماخذ التمر غذاء ملكات النحل عالريق بعدين افطر بعدين اشرب حليب ومعاه
عين الجمل مطحون وبعد مافكر واخلص واقعد عالتلفزيون كنت اشرب ترمس مراميه ولما يجي وقت السحور كنت
اشرب الحليب مع عين الجمل واشرب ترمس بردقوووش وطبعا غذاء ملكات النحل
المهم قعد على هالحال من اول يوم الدوره الين اليوم العاشر وقلت لزوجي ابي اروح مستشفى خاص
اشوف بس تبويضي قالي زوجي بلا خساير طلبته ووافق ورحت وتخيلوا شافت الدكتوره قالت تبويضك ممتاااااز
ماشاء الله جدار الرحم كمان ممتاز وقالت فيه بويضه نزلت امس سوي جماع وان شاء الله يمديك وقالت
سوي يوم جماع ويوم لا لين تجيني الاسبوع الجاي وطبعا خبصنا شوي لان كان دوام زوجي يحكمنا
المهم جيتها باليوم 17 من الدوره قالت تبويضك جدا ممتاز انتي تستخدمين حبوب قلت لها لا اعشاب قالت
استمري جدا ممتاز وقالت كمان نزلت بويضه وخلاص لاتجيني لانك تبويضك ممتاز ماشاء الله وسوي الجماع يوم
ايه ويوم لا طبعا سمعت كلامها وطبعا كان رجلي ميؤس جدا وانا كان عندي امل كبييير
وطبعا وقفت شرب البردقوش والمراميه واللذي منه تقريبا الين وصلت اليوم 21 ماصرت اشرب هذا الشي
وطبعا جاء وقت العشر الاواخر وكنت ماخليها ابدا حتى لو كنت معزومه احاول ارجع بدري عشان اصلي قيام الليل
وادعي وادعي من قلب بس تبون الصدق كنت كل شهر اقول ياررب احمل هالشهر بعدين حسيت كاني
قاعده استعجل على ربي صرت ادعي واقول يارب ارزقني الحمل السليم المعافى التام عاجلا غير اجل
ونسيت اقولكم كنت بعد كل جماع اقول بيني وبين نفسي اللهم اني استودعتك اجنتي فثبتهم في رحمي
المهم خلص رمضان وكان عندي موعد بعد العيد باسبوع خلاص اسوووي الاشعه الكئيبه المهم ماحسيت بأي
شي وبالذات هالشهر ماحسيت باي اعراض حمل .. و كمان جتني حبوب الدوره من بدري حتى رجلي تحطم
يوم شافها وانا كمان تحطمت قلت يعني هالحبوب تخلي الواحد يفقد الامل بس كنت اقول يالله يمكن الحبوب
متعوده هههههههههه اضحك على نفسي طبعا جاء قبل موعد دورتي بيوم حسيت بمغص الدوره قلت لرجلي
خلاص جايتني جايتني الله لايعوق بشر قالي انا غاسلن يدي من شفت هالحبوب :35:
المهم جاء موعد دورتي الا تخيلوا من درجه مغص الدوره اكون نايمه والله العظيم نايمه اقوم من نومي
من قوة المغص حق الدوره لدرجه صرت اقول يارررررب نزلها تعبت من الالم
وماجتني مره على موعد دورتي يوم ومافكرت طبعا اجيب تحليل منزلي لاني اتوقع كسبت جميع الصيدليات
اللي جنب بيتي من كثر ماشتري شهريا بالهبل المهم هذاك اليوم رحت مع رجلي مشوار ويوم جينا راجعين
كلمتني اختي وطلبتني اجي للبيت مجتمعين اهلي واعمامي عندهم قلت لرجلي قالي امعصي هههههه
المهم مالكم بالطويله قالي شوفي اخوك اذا يمديه ياخذك روحي .. كلمت اخوي ووافق ورحت ويوم ركبت معاه
السياره قلت لاخوي تكفى وقف ابي الصيدليه تخيلوا وش قال اخوي ؟؟؟ :35:
قال يالله اكيد تحليل حمل ههههههههههههه << حتى اخواني جتهم عقده
قلت مالك شغل جيب وبس وصار اخوي يقولي يابنت الحلال لاتفكرين وصدقيني بتحملين باذن الله
طبعا نسي اقولكم شغله هذاك الشهر كل اهلي حالمين اني احمل واولد واجيب بنت
وانا حلمت قبل موعد الدوره بيومين ان رجلي يلبسني حلق ذهب واحد ..
وكمان فيه وحده برمضان
الله يسعدها دنيا واخره عضوه معانا ارسلت لي رساله عالخاص
قالت لي يام تالا انا رحت مكه واعتمرت وانا والله ماعرفك ولا شي بس من دخلت مكه وانا ابي اتذكر بنات حواء
عشان ادعيلهم ماجاء في بالي الا انتي تقول ليه مدري؟؟ وتقول ماجاء في بالي دعوه غير اني اقول
الله يرزقها الذريه الصالحه عاجلا غير اجل تقول يوم رجعت دورت ملفك ابي اشوف انتي تبين هالدعوه
تقول تفاجات انك تطلبين اننا ندعيلك وتقول سبحان الله من ذكرني فيك بمكه بالحرم وفعلا سبحان الله
الله يسعدها يارب ويرزقها و الذريه الصالحه يارب
المهم قلت لاخوي جيب الله لايهينك وانت ساكت نزل فديته وشرالي دخلت البيت وكان الكل مجتمع
<< وجوجو بالها مشغوووووووووووووول قلت يابنت اذا راحوا سوي التحليل بس ماش قلبي ماهو معهم
الناس سوالف وضحك وانا فكري شااااااااارد لعنت بليس وقلت لهم بروح اصلي واجي
طلعت فوق وسويت التحليل ويوم سويته رحت ابي اشغل نفسي وبداخلي اقول
يارررررب لو اشوف ظل الخط الثاني راضيه ههههههه وطبعا بس ماطولت يمكن دقيقه ماقدرت مغمضه عيوني
الا وافتح عيوني الا واشوف الخط الثاني غاااااااااااااامق ماشاء الله تبارك الله
الله يرزق كل وحده محرومه هاللحظه وربي شي يجنننننننننننننننن المهم من الفرحه قعد من فوق الدرج انادي
اختي فلانه فلانه تعالي بسرعه وكلهم يقولون فيك شي وانا اقول لا ابيها بسالفه ويوم جت الا وهي ميته خوف
واوريها التحليل وفرحت حيل وتخيلوا رجلي دقيت عليه وهو كان يقولي مافيه امل اجي اخذك خلي اخوك يجيبك
كلمته ومن الفرحه قلت له باركلي << كأن الولد لي لوحدي هههههههه
قالي مبروك على شنو قلت انا حامل طبعا هو متوقع اني شفت ظل الخط الثاني واتهيا
يقولي شفتي الخط الثاني قلت ايه ايه ووووووواضح والله طيران يجي ياخذني يقولي وريني التحليل انا اشوف
ويوم شافه قال ايه ايه واضح وقال يمكن غلطان هالتحليل ويشتريلي تحليل ثاني واروح اسويه
الا كمان واضح والحمد لله
وابشركم طلعت حامل ماشاء الله تبارك الله ولله الحمد والمنه واهم شي
ماسويت اشعه الصبغه دكتوري يقولي انتي خايفه من الاشعه
ومش خايفه من الولاده ههههههههه
حبيت ابشركم واقولكم وش سويت وش اكلت عشان تبويضي يمكن افيد احد منكم وتدعيلي
ان الله يسهل حملي وولادتي ويجعل جنيني سليم معافى تام بلا زياده ولا نقصان ويثبته لي يارب
وطبعا ادري اني طوووووووووووووووووولت بالكتابه بس ابيكم تعيشون اللي عشته يالبى قلبكم
واخيرا الله يرززق كل محرومه الذريه الصالحه عاجلا غير اجل ولايحرمها هالفرحه ياررررررررررررب ..
Najameena @najameena
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
ربي يثبت حملك ويقر عينك بشوفته