مرحبا خواتي
الحمدلله ربيت ويبت احلى بنوتة عسى الله يحفظها لي .....
عاد بخبركم عن ولادتي اللي الله يعلم كيف تعبت منها قبل الولادة بثلاثة أيام نزل مني نفس المخاط فيه دم وفيني تقلصات من اسبوع بس مب منتظمة المهم سرت العيادة وفحصتني الدكتورة وقالتلي انه الرحم مفتوح 1سانتي واليوم الثاني حسيت انه زاد الويع سرت المستشفى وفحصوني قالولي مفتوح 3سانتي بس الطلق خفيف قالولي سيري امشي تميت امشي في المستشفى واليوم اللي عقبه الصبح يت الدكتورة فحصتني قالت نفس الشي فاتح 3سانتي قلتلها رخصيني بروح البيت بمشي قالت اوكي رحت البيت الظهر ورقدت لين الساعة 9 باليل نشيت تسبحت وتعشيت وكان فيني ويع بس مستحمل ويروح ويردلي كل 10 دقايق وعقب تميت يالسة لين الساعة 2 واقول فخاطري مستحيل اربي اليوم اكيد طلق كاذب وكيف ارد المستشفى اليوم طلعوني وانا مافيني ولادة وعقب تميت يالسة لين الساعة3 والألم يزيد وعيت ريلي وطلعنا في السيارة خف الويع وايد قلت فخاطري اكيد بيفشلوني وصلنا المستشفى وتمينا نتمشى تحت نص ساعة وعقب رحنا فوق وماكان فيني ويع وايد وفحصوني وقالت 3 سانتي والراس فوق شوي والطلق خفيف قالولي سيري البيت واذا زاد ردي ماطعت خفت قالت عيل سيري امشي تحت ساعتين كانت الساعة 4 ونزلت امشي وكان الألم يزيد وايد لين ومشيت لين الساعة 6 ورديت فوق وفحصتني قالت مفتوح 4 سانتي استانست وتم الألم يزيد وأنا أصيح وريلي يهديني على الساعة7 كان وقت تبديل الشفتات ويت القابلة اللي تولدني انجليزية طيبة وحبوبة كله تضحك واول مادشت علي يت باستني حتى والله باست بطني وترمس الياهل تقوله انا بطلعك تميت اضحك وياها بس من يردلي الويع اتم اصيح من الخاطر وريلي يهديني قلت للقابلة ابا ابرة اللي تخفف الويع وتفتح الرحم قالت اوكي بس اول بفحصج كم فاتح فحصتني وبطلت الماي مال الياهل وكنت فاتحة 4 نفس الشي تميت اصيح اكثر احس الويع يقطع ظهري وعقب ظربتلي الابرة والحمدلله ارتحت شوي يعني كنت اقدر اتحمل الويع وطلبت اوكسجين واشفط من الخاطر
عطتني الأبره الساعة 7ونص وماشالله ماكملت نص ساعة الا الراس طالع اقولهم احس شي بيطلع محد مصدقني واستانسو قالو تونا عطيناج الابرة واول مابطلت ريولي تميت ادز دزتين وطلعت بنتي وريلي استانس ماصدق اني ربيت بهالسرعة........
خـــــــــــــــــــــــــلاصة تجربتي:
أهم شي انه لسانج مايسكت عن ذكر الله والدعاء اول ماييج الويع في البيت اقري سورة مريم قد ماتقدرين
والمشي وااااايد زين هو اللي نزل الراس تحت امشي واااااايد
وشرب القرفة والحريروة وايد زينه
والتمرين انج تنزلين وتقومين هذا تسوينه في التاسع يخلي الراس ينزل في الحوض...
والـتـــــــــــــــــوكل علـى اللــــــــــــــــه أهــــــــم شــــــــــــــي ........والله يسهل على كل حامل
حبوبة العين @hbob_alaayn
محررة ماسية
يلزم عليك تسجيل الدخول أولًا لكتابة تعليق.
دادونيا
•
الف الف الف الف مبروك حبيبتي الله يخليها لك
الصفحة الأخيرة