باركووووولي جبت أحلى ليان .. وتعالوا أقروا تفاصيل ولادتي حياكم ..

السلااااااام عليكم ورحمة الله
كيفكم حبيبااااتي وحشتونوووووني والله
وأخيرا ربي أتم نعمته على وولدت بالسلامة في يوم 25-9-1428هـ
وجبت أحلى ليــــــــــــــــــان يارب أحفظها هي وأخوها راكـــــــــــان من كل شر يارب

المهم أنا كان موعدي المتوقع 5-10- يعني بعد العيد على أساس أني راح أولد طبيعي
بس في الأسبوع الـ 36 سويت أشاعة وقالوا أن حجم البيبي كبير شوي وصعب تولدين طبيعي
عشان ولادتي الأولى كانت قيصري ويخافون عالرحم من والولادة الطبيعية لمن يكون الجنين كبير
المهم حددتلي الدكتورة يوم السبت 24-9 رمضان موعد تنويم
طبعا أنا خلال هالفترة اللي أنتظر فيها موعد التنويم أستخرت مرة ومرتين وثلاث وزوجي نفس الشي
لأني حسيت أني قلقلت من هالعملية
ومرة الأيام واتصلوا المستشفى في اليوم المحدد ورحت لهم عالساعة 9 الليل
وبدا شغلهم تحاليل وصيام من الساعة 12 الليل لاأكل ولا شرب
ومن الساعة ثمان الصبح تقريبا بدو يجهزوني للعملية سوولي حقنه شرجية (( أستغربت لأني أسمع انهم يسوونها للي بتولد طبيعي )) وبعدين جابتلي النيرس ملابس العملية تروشت ولبستها وقعدتدت انتظر
وبعدها بساعة سوتلي قسطرة البول الله يكرمكم وأعوذوبالله منها مرررة تطفش وتسبب حرقان مزعج
وعلى الساعة عشر نقلوني لدور العمليات وهناك خلوني أنتظر يمكن ساعة إلا ربع على بال مايخلصون من اللي قبلي ويجهزون الغرفة من جديد وأنا كأني أنتظر القصاص أعوذوبالله
دخلوني العمليات وبدو يشبكون لياتهم وأسلاكم فيني وسوولي البنج نصفي على طلبي
وبدت العملية وأنا صح ماني مبنجة كلي بس احس أني دايخة وفيني نوووم لأن مانمت ليلتها أبد
شوي أسكر عيوني أبي أنام وأشوي أفتح وجاني خوف الله لايوريكم تخيلت أني بموت ما أدري ليش
بس الحمدلله تمت على خير وطلعو البنت وورتني النيرس وجهها ومن تحت وقالت شوفي بنت وأنا أحس أني داخية
وطلعوني لغرفة الأفاقة تقريبا ساعة على بال مايفك البنج وجاتني وقتها رعشة كأني ميته من البرد مع أني ماني بردانة بس مفعول البنج لمن بيدا يفك
وبعدها ودوني عالغرفة عالساعة وحدة ونص تقريبا وجلست بالمستشفى خمسة أيام وطلعت ليلة العيد
ويارب لك الحمد كما ينبغي لجلال وجهك وعظيم سلطانك ...

على فكرة بولادتني الأولى ماخفت ولاحسيت بكل اللي حسيت به بولادتي الثانية لأنهم قرروها لي بسرعة وقت الطلق وتأخر الرحم مافتح وسووها وماعشت كل هالمقدمات اللي عشتها بولادتي الثانية
وبيني وبينكم يقولون القيصري أهون من الطبيعي والله كله فيه تعب نفسي وجسدي وكلها جروح بس اللهم مافي القيصري طلق والله يخلي البنج ماصارت تحس الوحدة بألم الطلق
والله يجعل كل مانعانيه في موازين حسناتنا يارب ..