اليوم السبت هو اليوم الثامن عشر بعد العمليه
مازلت ادهن المره و راح استمر حتى يوم الاربعاء فقط لان زميلتي قالت لي لا تطولين عالمره .. حدك عشر ايام او اسبوعين!!
الاثار تتحسن يوميا
الغرز ابتدت تلتئم وفي غرز زياده طاحت
في خيوط قاعده تطلع من جلدي و الجسم يطلعها لانه يلتئم بدونها ((غير مؤلم و لا ينزل دم))
بعض الخيوط اسحبها وتطلع معي كلها وتترك نقطه دم مكانها وتلتئم بسرعه
الدم اللي كان متجمع تحت صدري طلع كله لاني عصرته ((وهالشي خطأ بس ما قدرت اخليه لان مكانه اسسسسسسود))
اقدر انام على جنبي عادي بدون الم لكن لازم ارفع النصف العلوي على 3 مخدات عشان ما ينفعص صدري
ظهري صار حلوووووووو وجذعي نحففففففففففففف
و زميلتي تقول لي صغرتي من فوق !
مازلت مستمره على المساج في البيت لاني تعلمته و ودي انزله لكم للي في جسمها سوائل زايده و حابه تسويه بالبيت جدا سهل
و ساعدني عليه بعد جهاز المساج ((مو اي جهاز راح اوريكم شكله)) امسج فيه ظهري بعد الانتهاء من تنشيط العقد اللمفاويه
الحمدلله
الاحساس بالحلمات قاعد يرجع بشويش
يعني اليوم مثلا صاروا ينكمشون مع البرد !! مو زي قبل ما في رد فعل
نحف خصري 3 انش حاليا بسبب الشفط
وزني نزل كيلو ونص من اللي زدتهم بعد العمليه مباشره
صدري قاعد ياخذ شكله الطبيعي << كان احلى بصراحه اوووووول العمليه بس برضو الان احلى بالف مره من قبل
ايه وشي مهم
الدكتوره قالت ان كريمات الاثار نستعملها بعد 3 شهور
بس الصيدلي عطاني جل كيلو كوت Kelo-cote
قال لي عادي استعمله الحين لان جرحي فرش و فرص اختفاء الاثار اكبر
بعد ما تروشت دهنته عالجروح و تراه غالي والله .. انبوب 15 ملي ب 170 ريال ! و يقول لك استعمليه مرتين يوميا لمده 3-6 شهور
السلبيه الوحيده اللي بعد العمليه:
عندي غرزه تحت الحلمه اللي هي منطقه ربط الجلد من اليمين واليسار بالحلمه .. الغرزه انا قشرتها لاني ملقوفه .. فا بينت الخيوط و المفروض اخليها تلتئم لحالها
الخيوط نشفت و صار حفره و لما حطيت لزقة جروح عالمنطقه .. ابتدت تبني طبقة جلد سطحيه ((طبعا طبقات الجلد السفليه ملتئمه لكن اللي فوق الخياطه مكشوف مو مبين.. و الان راح اصبر عليه عشر ايام .. لو ما تحسن بروح للدكتوره ..
طبعا هذي الامور كلها طبيعيه في مرحلة التشافي
ما في الم يذكر الا اذا سويت حركه غلط يعني قبل 5 ايام حاولت انام على جنبي وتألمت
الان الالم خفيف يعني لازم اتحرك بشويش بالسرير
مره وانا بالسوق متحمسه اسولف مع ماما .. وامسك شنطتي و طرااااااخ على صدري من الجنب .. مشكلتي رقيقه هههههههه عورت نفسي والله بس ما تكلمت لا تهزأني ست الحبايب
دعواتكم ربي يحقق اللي في بالي الله يخليكم ويشفيني ويعافيني ويرزقني كل ما اتمنى
انا ادهن مره مرتين او 3 باليوم على جروحي طبعا ابتداء من اليوم ال 14 .. الاحظ تحسن كبير بالالتهابات + تحسن بشكل الجروح وسرعة التئامها
قمت ادهن حتى على اثار الستيان وعلى بطني و اعلى صدري لان كله تأثر من الضمادات والمشدات
صارت بشرتي مبقعه.. المره جدا مفيده في هالمرحله