الغاليه الله يسر حجك ويتقبل منك
لا تحاتين عيالك ماداموا في ايدي امينه
صدقيني لما تروحين هناك يمسح على قلبك الرحمن وتنسينهم ولا تشيلين همهم
اذكر لما حجيت كنت مثلك اقول عيالي وما تتصورين رحت المدينه ومكه واستانست وما تذكرتهم الا يوم الرجعه واستغربت

ام حمد القطريه

الله يطمنج بالخير والله امي وخواتي ينصحوني يقولون لي ربج بيمسح على قلبج

وبينسيج اياهم وما بتذكرينهم الافى النهايه.. وانا اصيييييييييح.. مثل كلامج بالضبط ..

الي حجوا العام يقولوا كان الجو بارد وابتلشنا
فخذي لك شي احتياط...
وعيالك دامك خارجه في طاعة فالله بيحفظهم
وبس ليه 21 يووووم ؟؟؟

حزن عميق

مشكوره حبيبتي على النصيحه الله يجزاج الخير يا رب.

و21 يوم مدررررري هذي المده اللي حددوها لنا الحمله اللي بنروح معاهم!!

انا حجيت وللمره الثالثه السنه الماضيه

استفدت من بنات حواء بشكل كبير

الجو كان وااااااااايد حلو لا حر ولا برد ربيع يالله من فضلك

واهم شي خبروني البس عبايه ام كتف وفوقها الخمار الي يلبسونه اخواتنا المصريات

واااااااايد ارتحت منه وطبعاً غيارين

جزمه خفيفه ويستحسن رياضيه لأنك صدق بتمشين خصوصاً في رمي الجمرات ماشي سيارات

وعند الحرم ينزلكم الباص واااااايد بعيد

خذي نعال او شبشب او شحاطه الي هي للبسها في الممرات والحمام الله يعزكم

حطوا في بالكم مو كل الفتره بتكونون محرمات لا بس يوم الترويه والي بعده يوم عرفه ومن صباحية العيد بتفكين الاحرام

وايام الرمي بدون احرام يعني ممكن تستعملين الشامبو والصابون والكريم المعطر

طبعاً بيستوي زحمه على الحمامات في اوقات الصلاة هنيه تطلع الشطاره لازم تتوضين للصلاة

بعد استعمالك الحمام وبعد كل صلاة مو قبل فهمتيني

لأن الطابور ممل وناس يون عقبكم ويدخلون ويستوي الكلام الي ماله داعي

انا كنت اسبح يوم ينامون الناس او يكون مافي زحمه

اهم شي المناديل النسائيه انا وااااااااايد ريحتني تحسين بانتعاش

خذي معكم معمول او بسكوتات لأن احياناً تجوعين او ما تبين تتعشين لأن عشاهم ثقيل

ودايم خليكم بذكر الله

وبتسمعون السب والشتايم مالكم شغل فيهم الا اذا انتي عارفه انك ممكن تهدينهم

وفي منهم ما يعجبهم العجب رايحين ورادين على المقاول واحنا دافعين واحنا مسوين

لا تتناقشين معاهم ولا تخربون حجتكم

حتى لو كانوا صادقين اصبروا وتحكموا في اعصابكم حتى ما تخترب حجتكم

والله يتقبل من الجميع