بازارات الرياض

ولا رد ليش مااستاهل ؟؟؟؟؟؟

انا ماعمري رحت لمتيارا
من كم شهر صار فيه بازار
بس كان ميت مرره على كلام اللى راحوا له ..
يمكن تغير الوضع الحين ..

انا ماقد شاركت في بازارات لكن اعرف بنات عمي مشاركين في كثير منها وعندي خبره نوعا ما

نصيحة علشان تمشي بضاعتك ...

- لا ترفعين اسعارك بشكل مبالغ فيه لأن الناس مايشترون الغالي وخلي اسعارك معقوله في متناول الجميع علشان تمشي بضاعتك بسرعة .
- طريقة العرض لها دور في الجذب بشكل كبير جداً فحاولي تهتمين في هالناحية واشتري مفرش حلو للطاولة وحاولي تبتكرين طريقة عرض مميزة فيك مختلفة عن البقية وتكون جذابة.
- اذا عندك ملابس بتبيعينها او اكسسوارات فالبسي كل يوم من ايام البازار شي منها من باب العرض واذا معاك احد بيساعدك في البيع خليهم يلبسون بعد معاك ويعرضون الاغراض لك بتلاقين الناس تسألهم حلو لبسكم من وين وهم يدلون عليك .
- التنظيم وطريقة البيع لها دور في تشجيع الزباين للشراء فحاولي تكونين خفيفة دم وجريئة في نفس الوقت وتحاولين تجذبين الناس لطاولتك وتلفتين انتباههم لبضاعتك.
-حاولي تكونين عمليه في البيع والي يشتري منك قولي له اذا بتاخذين كم حبة بعمل لك خصم اكبر حتى تشجعينهم على الشراء.
-ممكن يطلب منك بعض الاشخاص طلبات معينه أو تصميم او يعجبهم شي عندك بس يبغونه بلون مختلف او تغيير بسيط أو مقاس اكبر أو اصغر .. فاذا انتي مستعدة لهاذا الشي اعملي طلبات تصميم اوشراء وخصصي لها فواتير خاصة يدفعون لك عربون على القطعه ويعطونك الأسم ورقم الإتصال ومتى ماوفرتيها لهم تتصلين فيهم يجون ياخذونها منك أو توصلينها لهم بحسب تفاهمك معهم

هذي بعض النصايح .. اتمنى لك التوفيق ولا تنسيني من دعواتك :)

تسلمين لي يالغلاااااااااكفيتي ووفيتي لا عدمتك
الله يسخرلك ويفتح لك ابواب رحمته

مركز الملتقى النسائي اللي بالملز يسوي بازارات اتصلي عليهم ونسقي ....