بازارات الرياض 3

بسم الله الرحمن الرحيم

السلام عليكم ورحمة الله وبركاته

بعد مواضيعي الأولى عن بازارات الرياض واللي كانت بمشاركات البنات
وتعاونهم أكثر من رائعة حبيت أفتح موضوع جديد لأن البازارات كل مالها تكثر
بمناسبة اقتراب العيـــد >>> وش رأيكم بالأسلوب يوم طولت عنكم صرت رسمية خخخخخخ

وطبعاً أنا راح أعلن عن أي بازار راح يصير بالفترة الجاية
بالإضافة إلى مشاركاتكم ومساعدتكم اللي بجد مالي غناة عنها ......

أول بازار راح أقولكم عنه من العيار التقيــــــــــل

بازار نيارة يوم الأحد القادم

لا تفوتونه ترى اللي فات كان يجنن بحق وحقيق

وهالبازار فيه كثيـــــــــــــــــر مصممات حلوات وأمورات ولزوزات
والاعلانات مدهرة عنه بكل مكان والمسجات كثيـــــــــــرة عليه فأتوقع يكون على مستوى

فيه :

مصممة سعودية اسمها منى تصمم مجوهرات فكرتها جديدة مثل سلاسل
عليها ابراج حسب برجك أو أول حرف من اسمك بطريقة مبتكرة ..

وكمان مصممة سعودية اسمها موشا تصمم اكسسوارات
عبارة عن أحجار مركبة مع أقمشة وقطع vintage وفكرتها غريبة ومميزة جداً
سواء عقود أو أساور أو بروشات أو أحزمة وكمان تركب لك على العباية حسب طلبك
وأنا شخصياً شفت شغلها على الناس مرة حلو ومبتكروشفت عباية على صديقتي
مركبة عليها قطع مرة حلوة لأنها كانت تعرض بمركز نجود والحين ببازار نيارة ..

يالله بنات همتكم في البازارات ..

ولا تنسونا من الدعاء