انا سمعت عن وحده تبيع بالجمله تي شرتات واشاور لليوم الوطني عاد تعرفون هذا الي يكسب جدا شغلات البنات المهم سمعت عنها العام الماضي كانت بديتها لكن من العام وانا ادور رقمها الى الان ماقليته لكن المشكله تاخذي منها مالايقل عن 1000حبه من كل نوع ....................انا لو ماشفت شغلها والغرابه الي فيها كان مااصريت فاياليت يابنات الي تلقى رقمها تدلني عليها حلو ان الواحد ياخذ منها ويبع في مدراس او نادي سلمان ...............

س سؤال... :: وش معنى بازار ....؟؟
يمكن السؤال مكرر بس دورت الاجابة و لا لقيتها ...


تصدقون اني ساكنه في الرياض .. بس اول مره اسمع بازار سلمان و مدري ايش
انا اشتري كل اغراضي من السوق ::: الفيصلية ، صحارى ، غرناطة ...الخ

ولايهمك حياتي بازار معناته معرض00

واذا ودك تروحين هالبازارات ماعليك الا انك تابعين هالموضوع لانه دايم ينزلون خبر عن اي بازار

واذا تبين ارسلك عالخاص اخبرك فيه ماعندي مانع00

فوق الخيال ... انا اقولك مفهوم البازار وش يعني ... لغة : هو معرض مؤقت صغير ( قد يكون مجرد كورنر) تعرضين فيه بضاعتك او حتى انتاجك الخاص بك .. نشاط تجاري لايحتاج الى ترخيص ومشاكل وزارة التجارة ..
اما شرعا : فهو عمل مباح ويخلينا نفتخر بالبنات السعوديات ( خاصة .. علشاني سعودية ) اللي ينتجون ويبتكرون ويعرضون للبيع .. ليس لحاجة مادية انما لاثبات الذات والعمل واستغلال الوقت بشكل سليم
عاد الحين قولي لي اصلح فيلسوفه ... واؤلف كتب وابيع في الاسواق وافتح لي بازار اعرض فيه كلماتي الخارقة ((( امحق .. كلمات )

بنات عن جد البزارات شي حلو لانك تلقي فيها الاشياء الغريبه الي تدورينها والاسعار كمان حلوه