مادري كيف بعض الخريم تسافر وتخلي عيالها عن اخد سواء امها او اختها

كيف يجيها قلب تتهنى بالرحله واولادها مو معاها
بغض النظر عن الحنان والحب وهالامور
بتجلس تفكر اكلو شربوا؟؟ نامو؟؟ تعبوا اهلي؟؟ مرضوا؟؟
وراحت الوناسه وهي تفكر بعيالها وباللي بيشيلون عيالها


انا اقول اذا انك من النوع اللي مايفكر وكل شي عندها عادي خليهم
لكن اذا ان من النوع اللي تستحين وتشيلين هم وتفكرين كثير فاقول خذيهم احسن لك
يتعبونك وهم تحت نظرك احسن مت يتعبونك بالتفكير وهم بعاد عنك عالاقل تنامين وانتي مرتاحه مو تفكرين فيهم وش مسوين؟؟

خلي الصغير وخوذي الكبير حرام يفهم وانت علقتيه مو حلوه تطلعين كذابه عند ولدك وابو اربع سنوات مو متعب بالسفر والله يسهل عليك سفرك ويبسطك انت وزوجك

خوذيهم
بالعكس خليهم يطلعو على الدنيا ويشوفو ويتعرفو حتى وهم صغار

اذا كانو اطفالك مؤدبين جدا ممكن تفكرين تخلينهم اما اذا صارو صياحين وبثرين فاحشمي نفسك وابزي عيالك

وتحمليهم الشكوى لله

مادري والله اذا شايفه المرا تقدر فعلا تتفرغ لهم خليها عندهم بس توصي فيهااا بالهديه اذا رجعتي
وقبل تسافرين اشتري لعيالك ولعيالهااا هدايا وبالونات ولو تروحين محل ابو ريالين تشترين مجموعة لعب كم كوره على كم سياره على كم مسدس لعب تعطيهم كل يوم مجموعة العاب ينشغلون فيهااا وكراتين عصير وبساكيت وشيبسات وكيك وعبي كم كرت العاب توديهم نهاية الاسبوع الملاهي وفري كل شي لاتخلين المرا تتكفل بمصاريفهم