في يومن من الايام كنت اتفرج عالتلفزيون ولفت انتباهي شيف في قناة دبي اتوقع ومعه مقلى تيفال وشي اخضر يطبخ
وكنت مشتهيه اتفنن على الفطور :)
وعجبتني الطبخه وطبقتها لكن بلمسات خاصه >>>خاصه ان الطبق من اطباقي المفضله باستا
يالله نبدا المقادير
صدور دجاج
مكرونه نفس اللي بالصوره او اللي يعجبك
بقدونس
كزبره
فلفل اخضر
قشطة خفق صغيره للكيس الواحد من المكرونه
بهاراتك
اوريغانو
زبده
جبنة موزاريلا
ليمون
الطريقه
*قطعت الدجاج مكعبات بحيث تناسب حجم المكرونه وحمستها على النارمع ورق غار وشوي هيل عشان الزفر
وحطيت ثوم بعد مانضج وشوي كركم عشان لون الدجاج يصوفر شوي وملح وبعد ماخلص رشيته بأوريغانوا(ريحان)
*نسلق المكرونه بزيت وملح شوي,و وبعد ماتخلص وتشخلونها رجعوها القدر بدون ماتولعون النار وحطو ربع اصبع زبده واخلطوها مع حرارة المكرونه بتذووب>>تسمن هاي الطبخه على قولة الشيف :icon28:
* في مقلى جديد نحط زبده او زيت زيتون براحتك ,, ونحط البقدونس المقطع صغيرا والكزبرا والفلفل الاخضر وعصرة ليمون واذا حابه تحطين فطر عادي
تخلينه يطبخ لين يذوي شوي وبعدها تحطين قرابة 3 ملاعق ماء ,, وخلي كاس ماء جنبك
*بعدين نخلطهم بالدجاج والمكرونه ونصب عليهم القشطه ونحط قرابة فنجال ماء عشان الصوص يصير اكثر
*نحط ملح وبهار +فلفل ابيض+بهارات ايطاليا واذا ماعندك الايطاليه حطي اوريغانو
*اضيفي جبنة الموزاريلا وبعدها حركيها وغطيها لين تذوب الجبنه وقدميها ساخنه في طبق ورشي عليه الاوريغانو
عاد انا فاتني أصوره من البدايه ماصورت الطبق غير اخر الصحن حطيته بصحن اصغر والصوره ظالمه الطبق بس جربوها ماراح تندمووووون اهلي انهبلوا عليها
بالهنا والعافيه:26:
تسلم الايادي وماااقصرتي يالغلا