باص الروضه

السلام عليكم ورحمة الله و بركاته
و الله إنكم وحشتوني وحشني المنتدى انشغلت حيل و انقطعت عن المنتدى




اليوم جايتكم وانا بحيره من امري انا عندي طفل ٥ سنوات بس باقي مادخلته الروضه لاني اخاف حيل و لاني متغربه و لا اعرف احد ومن كثر ما اقرى قصص عن الاخططافات و نسيان الاطفال بالباصات تعقدت صراحه و ماعندي احد يجيبه من الروضه لانه دوام ابوه بعيد و ينتهي الساعه ٤ ونص مالكم بالطويلة هالسنه لازم ادخله الروضه و خاصه انه متاخر شوي عن الي بعمره او بمعنى أصح مايعرف و ش يدور بالمجتمع بحكم انه اختلاطه قليل بالاطفال و لا يعرف حركاتهم و لا يعرف يضرب و لا يسب الي يشتمه يعني لازم له اختلاط ضروري و هو كمان كل شوي يقول ابي اروح المدرسه المهم اللحين بسجله ابو ه بيوصله بس الجيه مره مافي احد يجيبه مافي الا باص الروضه او سواق نستاجره و هذي الحاجتين مسببه لي رعب مو طبيعي و يضيق صدري لا جا الطاري ابي أسألكم عن باصات الروضه بمدينه الرياض


١ - وش احسن الروضات الحكوميه تو الخاصه من ناحية الاهتمام و الانتباه الأكثر ؟


٢- وش وضع باصات الروضات و كيف تعاملهم و هل هي امنه ومافيها مشاكل و اَي أمن باصات الروضات الاهليه او الحكوميه ؟


٣_ وش احسن روضه جنوب الرياض وهل فيه روضات مسائية بشهادات معتمده ؟


وجزاكم الله خير الجزاء و حقق الله جميع امانيكم