العنوان ليس للمبالغه لكن فعلا هالموضوع لو اتبعتي الخطوات اللي فيه راح تحصلين على باطن قدم رودي وفي اقل فتره ..
وبدون خلطات او نقع او صعوبه ,, خطوات سهله وبسيطه ..
صراحه احيانا اجد بعض الفتيات تهمتم بالميك اب وتهتم باللبس وحتى تلبس صنادل واحذيه مكشوفه تظهر فيه اعقاب القدمين ,,
وللاسف تكون اقدامها متشققه او لونها غامق ..
وهذا دليل اولي على عدم العنايه بهالمنطقه ..
البعض ممكن يعتقد ان مسالة الحصول على باطن قدم رودي شيء صعب جدا ويحتاج
الى وصفات
ونقع
او شيء مكلف يحتاج الى تجربه العديد من المنتجات ,
اوالذهاب للصالون ..
الامر اسهل بكثير ..
يمكن البعض فعلا الاقدام عندهم حساسه اكثر من غيرهم ,,, وفي فتره بسيطه تظهر عليها التشققات ..
وهذا الشيء يتعبهم ويسبب لهم احراجات ,,
لكن مع العنايه باذن الله راح تحصلين على نتائج مررضيه واكثر مما تتصورين اهم شيء الاستمرار ..
اولا : لماذا تحدث التشققات ؟
بسبب جفاف المنطقه .
المشي حافي القدمين وعلى اسطح مثل البلاط البارد والموكيت الخشن
وقلة العنايه بهذه المنطقه .
خطوات الحصول على اقدام مثاليه ..
1- التقشير والتنظيف
2- الحماية
3- الترطيب .
4 - وعدم المشيء حافيه على البلاط والسيراميك ..
الخطوات
ساضيف المنتجات اللي استخدمتها ,, وكانت اكثر من رائعه ,, من واقع تجربه وخبره ,,
واتوقع انها نافعه باذن الله للجميع ,,
وممكن الاخوات اللي ماتتوفر عندهم هالمنجات يحاولو يبحثوا عن منتجاب بديله مقاربه لما ذكرت
اول شيء ..
التقشير :
اداه مهمه جدا ولازم تحصلين على مثلها تماما
لان فيه نوعيات اخرى لكن تكون سيئه وماتعطيك نتيجه مرضيه ابدا بل بالعكس تعطي نتائج سلبيه ..
Plastic Foot File
عصا التقشير البلاستيكيه .( ضروري )
لها وجهين ..
لها القدره على تحمل الرطوبه وراح تصبر معك باذن الله لمدة اطول .. وراح تعطيك نتائج رائعه في تقشير القدم
لانها تقشر بلطف ,, ماتسبب الم او تقشير قوي ممكن يؤثر سلبا على القدم
لما تبدأي باستخدامها اول مره راح تشوفين كمية الاوساح اللي تنزل ,,
ممكن لو ماتوفره هالعصا في مدينتك مع ان بودي شوب موجود تقريبا في اغلب الاماكن .
لكن لو ماتوفرت فابحثي عن عصا مشابهه لهذه ,, يعني مايكون سطحها املس او ما تكون مثل الحجر اللي كانه برادة حديد .
او مايكون مقض شيء مقارب لهذ العصا
اما النوعيه السيئه اللي مثل كذا مثلا
راح تتفتت عند التقشير وتعطيك حبيبات سوداء ..
ومثلها مثل الحجر االلي غالبا موجود في الصيدليات ماراح يعطيك نتائج مرضيه ابدا .. وممكن يتشرب المويه وتصبح رايحته سيئه ..
لاتستخدي المقص لقص الطبقه الميته وا لمتشققه في باطن القدم لانها ممكن تسبب جرح باطن القدم تلوثها ..
لذلك الافضل هو ا لاول ..
..
منتجات التقشير ..
ضروري
وهالخطوه اييضا مهمه ..
وهذا المقشر برائجة المنثول يعطيك شعور بالراحه والاسترخاء ويزيل الجلد الميت والاوساخ من باطن القدم بكل سهوله .
يتم ترطيب القدمه وفركه عليها ثم يترك فتره بسيطه وبعدها تبدأين بالفرك بواسطة العصا ..
لو كانت التشققات في القدم كثيره وعميقه ممكن بعد هالخطوه تغسلين بالمويه وبعدها تضعين من نفس المقشر وتفركينه بلطف وتغسلينه بالماء البارد ,,
تم تجففين الاقدام ,,
ولاتكثرين من الفرك حتى ماتتعب الاقدام وتسبب الام لك عند المشي ,, فبدلا من الفرك الكثير في جلسه وحده راح تحتاجين الى عدة جلسات في عدة ايام للتقشير ..
الاخوات اللي مايتوفر عندهم هالمنتج .. ممكن يبحثون عن مقشر خاص بالقدمين يكون كانه هلامي وحبيباته كثيره ,,
فيه خطوه بعد هالخطوه تعتبر اختياريه عشان تعطيك نتائج افضل لكن ليست ضروريه وهي وضع الماسك
تدهنين القدمين به وتتركينها فتره وبعدها تغسلين الاقدام وتجففينها جيدا ...
,
,
خطوة الحمايه ..
وهالمنتج راح يوفر لك طبقه عازله تحيط بباطن القدم وتحميه من المؤثرات الخارجيه ,, ضروري
وغير كذا يزيل رائحة الاقدام ويبردها ,, ويعطيك احساس بالانتعاش ,
هو عباره عن
تدهن به باطن الاقدام وحتى ممكن تضعينه على ظاهر القدم وراح يعطيك لمعه حلوه وطبقه عازله ..
تستخدميه بعد التقشير ...
ممكن اللي اقدامهم تشقاقتها كثيره جدا يستخدمون التقشير مبدئيا اربع مرات في الاسبوع حتى يحصلوا على نتائج مرضيه وبعدها ممكن مرتين في الاسبوع ..او حسب تحمل القدم ..
اتوقع فازلين الاقدام يقوم مقام هذا المنتج ,,
:
:
ترطيب الاقدام
ممكن تضعين اللوشن هذا في المساء قبل النوم على الاقدام لترطيبها ككل ..
باتباعك للخطوات السابقه ستحصلين على باطن قدم وردي .
ناعم وخالي من التشققات او الاوساخ العالقه به ..
اثناء العلاج بعد الحصول على نتائج مذهله لاتنسين الانتباه
من عدم المشي حافيه على البلاط والسيراميك او حتى بعض انواع السجاد الخشنه ..
لانها ستسبب في عودة التشققات مرة اخرى .
واكيد تستمرين في التقيشير ا والترطيب
وتذكري اختي الحبيبه عند خروج للسوق
لاتنسي ان تلبس جوارب سوداء تغطي قدميك..
فهي حجاب وستر
وغير كذا ضروريه لحماية قدميك من التشققات لان الصنادل المفتوحه
ولبسها باستمرار انثاء التسوق او التنزه تزيد من التشققات
ملاحظه :
بالنسبه للاخوات اللي يعانون من مرض السكر ,, لابد من التعامل بحذر اثناء تقشير القدمين خوفا من جرحها ,,
والاخوات ايضا اللي التشققات فيهم عميقه جدا وكمية الجلد المتراكم كبيره جدا جدا الافضل اللجوء لمختصين
لاني لاحظت البعض فعلا لديهم تشققات تحولت الى صدووع كبيره وطبقات متراكمه
فيمكن اللجوء للمختصين لازالة هذه الطبقات هو الافضل في هاتين الحالتين
تمنياتي لكم بالفائده ..