والله مستغربه من بعض البنات .....ليش حرقة الرز هذي

خلو العالم تسترزق >>>>>>>>> وحده عاجبها الموضوع موووت

بالعكس شي حلو التغير والتجديد .... بعدين لو هذي الاشياء يعتبرها البعض ( مو شي) اذا ما ضحكنا واستهبلنا مع ازواجنا تبون الطاقه تروح وين ههههه

والله وقمنا نافس يا طائر ....... بالتوفيق حبيبتي والى الامام

وانا في انتظار المزيد............

ولك حبي

هذي يبي لها شهر عشان اجهز الاغراض ياجماعه خفوا عليناشوي :17:

مس دندن
ياليت يا دندن يكون ردج الطف من جيه لان الريايل مش واحد
وبعدين خليهن هن شو خسرانات يجربن عجبته الفكره تابعن وجددن ما عجبته خلاص
ياليت ما تندفعين في الرد وبالعكس الريايل وخاصه في الخليج يموتون
على هالحركات لان اكثر لبسنا عبايه وشيله غير عنكم
ياليت ما تقولين هالكلام مره ثانيه اكبر غلط بامكانج تطلعين من الموضوع بدون تعليق
وان دل هذا على حبها لزوجها واخلصها له قلبا وقالبا



يا جماعة
مودة دائمة خير من رومنسية منقطعة !!!
مودة دائمة خير من رومنسية منقطعة!!!
والله ما صدقت فيكم الا الاخت (الخيل والليل)
شكلكم انجنيتوا او جوازكم خربوا عقلاتكم
شو طرزان
وشو غابة ؟؟؟؟؟؟؟؟!
نحن في مسرحية والا في روضة اطفال
هييييك الحياة الزوجية ؟؟؟؟؟؟؟؟
مسخرة
والله انها مسخرة.
الله يهديكم جميعا...
والله لو يسمع زوجي ليقول شو قليلات هالعقل!
آسفة بس والله زودتوها كتييييير يا بنات




وشكـــــــــــــــــــــرا يالغاليه معني مش مزوجه بس احفظها في فايل عندي:32:

خواتي حبيباتي..

انا قلت في البداية .. في خوات بس يشوفن الافكار للمطالعة.. وبعضهن للتطبيق..

انا عادي عندي وبكمل موضوعي..

لأني اعرف واايد بنات محتاجين افكار يجددون من حياتهم..

هناء_الكويتية: شكرا على مرورج.. وحتى لو كان وزنج فوق المية يتم وزنج في قلب ريلج فوق الميتين بعد :26:
المهم التغيير مطلوب وانا ماقلت ننقز على السرير ولا على الاغصان.. بس بعد انتي ترومين تسوين هاي الحركة ومافيها شيء..

سباقيتي:مشكورة حبيبتي على الرد اللطيفوافكاري الياية جنااان اكثر..بس انتظري..

بدر البدور: حبيبتي.. مافيها شيء أي وااحد يحط رايه.. وبعدين مشكورة على الكلام الطيب..

:26: :26:

شهرزاد...... وشهريار..

منو منكم في خاطرها تعيش مثل شهرزاد.. في قصر كبير مع خدم وحاشية ومجوهرات.. وآخر الليل تقول قصة لريلها بحيث ينام وينشيى انه يقتلها ثاني يوم...

اليم الفكرة كيف ترتبين الحجرة ونفسج حق تعيشين مثل شهرزاد وتقعد شهريا ر بجنبها وتحكي له الحكايا..

المطلوب:
20-25 وار من الشيفون الرخيص أبيض او سكري و ازرق فاتح وأصفر ووردي اللي ينباع بالسوق اللي الواحد الوحد ب2 درهم..
ثوب من اليشمك او القطع الهندية اللي تيي قطعتين من داخل على شكل جلابية ومن برا على شكل عباية..
حذاء مغربي..
مخدات من النوع اللي جوانبها مزينه بالطرابيش..
مصباح علاء الدين..
سلة فواكه وكثري من العنب والكرز والفراولة.. العنب يكون متدلي من السلة..
بخور..
كرسي أو كنب مفرد..
قطع سجاد صغيرة (اللي عندج جمعيه كله)..
النجوم اللي تلمع بالظلام مع هلال..
مجموعو من العطور العربية مثل دهن العود والعنبر والصندل والزعفران وماي الورد..
قهوة عربية في دلة من دلال اللي تيي على شكل دلال مالت زمن اول..
اكسسوارات عربية وخواتم كبيرة..

التنفيذ:

اول شيء تغيرين مفرش السرير وتخلينه من النوع السادة الهادي..
ترتبين الحجرة بحيث تركبين الشيفون على اطراف السرير وعلى كبت الثياب والتسريحة والستاير وتخلينه متدلي.. بحيث تحسين انج لفيتي الحجرة كلها بالشيفون مثل القصور القديمة..
تحطين الكرسي بمكان مناسب وتحاولين تخلينه عالي شوي.. وتلفين عليه شوي من الشيفون.. وتحطين وراه لو عندج شوي من ريش الطاووس..
بجنب الكرسي حطي طاولهة ورتبي عليها مفرش بسيط تحسينه قديم زحطي سلة الفواكه عليه..
رتبي القعدة حول الكرسي بحيث توزعين المخدات الصغير كل مكان بشكل مرتب وانت ترتاحين عليه لما تتساندين عليه..
وزعي النجوم على الجدار.. وخلي الاضاءة قوية لين قريب يوصل شهريار بعدين طفين الاضاءة القوية وتفتحين الاضاءة الخفيفة.. وياحبذا تكون الاضاءة زرقاء وخضراء.. بس خفيفة قدر الامكان وبعيدة عن مكان القعدة..
دخني الغرفة بحيث تحسين انج بتختنقين وبعدين عطري الفراش والكرسي ونفسج بالعطور العربية.. وحطيها بعدين في سلة وعلى الجنب الثاني من الكرسي..
لو تسمعين اغاني حطي الموسيقى مالت علاء الدين.. ولو ما تسمعين حطي اصوات ريح خفيفة وهواء ونسيم..
حاولي من غترة ريلج تسوين له عمامة شهريار,, اوتيبين قطع من عندج وتحاولين تسوين العمامة.. ولاتنسين تحطين ريشة في الوسط..

واحينه ايي دورج..
بعد ماتاخذين حمام ماي دافيئ.. تخلطين الكريم المعطر مع كريم الاساس وتفركين جسمج.. وعقب تلبسين ثيابج بعد ماتكزنين عطرتيها بالعطور العربية وشعرج حطي فيه شوي مخمرية او مسحة دهن عود او ماي ورد..
وعقب سرحي شعرج ورتبيه وخليه مقتوح.. حطي المكياج العربي اللي يكون الكحل الاسود اساسه وغمقي عيونج وحواجبج..
حاولي تحطين الشال على راسج بحيث مايزلق.. ثبتبه بالشبابيص السود بس بطريقة ما تخليه يبان من على الشيلة..
سوي لج نقاب خفيف من الشيفون تغطين نص الوجه.. ولا تنسين تلبسين الاكسسوارات الضخمة.. والخواتم الضخمة اللي تملي وتغطي اصابعج كلها..
البسي النعال المغربي.. وبعدين حطي مصباح علاء الدين على المخدة وخليها بجنب الباب..
وجهزي نعال لشهريار مثل نعالج المغربي وبعد جنب الباب..

لما يقرب يدخل.. طفي الاضاءة القوية.. ولكا يدخل الغرفة ويصك الباب ولعي النور أو الاضاءة الخفيفة.. وامسكي ماي الورد ورشيه عليه..
بعدين لبسيه نعال شهريار ولا تخلينه يقول كلمة.. واسحبيه بخفه لين الكرسي وقعديه عليه..
شيلي المخدة اللي عليها المصباح وتقدمي صوبه بخفة وعطيه المصباح واطلبي منه يفرك المصباح بس بدون ما تتكلمين ولا حرف .. تسوين كل هذا بدون كلام..
وبعد مايفرك المصباح.. عاد انتي هني تتكلمين وتقولين : شبيك لبيك يا ملكي وحبيبي وياشهريار حياتي.. انا صاحبة الفانوس وزوجتك شهرزاد في خدمتك.. اطلب ما تتمنى وانا احقق لك ما تطلبه..

وعاد انتي وشطارتج.. ولو عندج افكار ثانية سويها وعيشي ليلتج مع شهريار ولا تنسين العشاء (داجاج مشوي مع شوي سلطة وشوي خبز عربي وشراب)

وتوتة توتة.. خلصت هذي الليلة والكل يروح ينام..