باقولكم قصه وحده ووش رأيكم بتضحيتها

يسعد صباحكم صبايا هالقصه حكتها لي امي والحرمه هذي تزورنا ونزورها باستمرار بس ماكنت اعرف قصتها واليوم سمعتها من امي تقول تزوجت بعمر صغير وخلفت ولدين وكانت حياتها سيئه جدا مع زوجها ضرب وعنف وظلم واحيانا يطردها فالشارع وتروح لاهلها ويرجعونها عنده يقولون ماعندنا بنات تتطلق ومره كمان اخذت اولادها وراحت لاهلها وحطتهم امام الامر الواقع وقالت ماني راجعه قامو اهلها اخذو عيالها ورجعوهم لابوهم وهي خلوها تشتغل لهم خدامه وشافت اهانه اكثر من اللي شافته في بيت زوجها اما زوجها قام يضرب في اولادها ويعذبهم يعاقبهم لانهم يحبون امهم وماتحملت الوضع ورجعت بيتها وضمت عيالها ووعدتهم ماتتخلى عنهم ابدا وصارت كل صبح تطلع من البيت تدور وظيفه بس ربي ماكتب لها وظيفه واخذت مانع حمل لان زوجها مو كفو يصير اب وهي ماتبي تتورط بطفل يخليها تصبر اكثر خصوصا ان اولادها الاثنين كانو بالمتوسط وجلست سنين تحملت شي ماتحملته امراءه زوجها خلاها تخدم حتى في بيوت اخواته واذا رفضت جرها من شعرها وبالرغم من هذا كله كانت حرييصه كل الحرص على هالولدين تدرسهم وتهتم فيهم وتدافع عنهم لحد ماكبرو ودخلو الجامعه وبدأو يوقفون في وجه ابوهم ويدافعون عن امهم وبس تخرجو راحو قدمو على وظايف خارج منطقه سكن ابوهم واهله بس عشان ياخذون امهم ويعوضونها وفعلا اشترو عماره ثلاث ادوار كل واحد دور وامهم لها دور وابوهم مايدري ان امهم صار عندها بيت وبتتركه وفعلا تزوجو الاولاد وبعد شهر العسل رجعو اولادها وعلى طول حجزو لامهم وخرجت من بيت زوجها لعند اولادها وصارت تراجع فالمحاكم لحد ماتطلقت واللحين عايشه مرتاحه واولادها واحد جاب لها خدامه والثاني سواق وبارين جدا فيها حتى زوجاتهم يحبونها ويعاملونها كأنها امهم وابوهم انكسرت شوكته وتزوج وحده بس ماتحملته وتطلقت بعد الزواج ب٦ شهور ،، وامهم مامنعتهم من ابوهم توصيهم فيه وتخليهم يزورونه باستمرار الله يحفظهم لها ربي عوضها فعلا وصبرها ماضاع تشوفون صح اللي سوته ضاع عمرها عذاب وحرمت نفسها من الخلفه