القادرية :

أول شيء بصراحة لازم نعترف أنه رمضان شهر عبادة والاوقات اللي نضيعها في المطبخ احنا اولى فيها ياربات البيوت ؛؛ طويلات العمر نظامي برمضان كالتالي ومرتاحة له مرة والحمد لله لكن لابد من الحوسة أول الشهر أحيانا ( مدري الحماس والا عشان العيال وفرحتهم برمضان وبعدين يرجع نظامي عادي بعد اسبوع ؛ بعد مايملون ) انا غير موظفة ؛؛ **سفرة الفطور ( قهوة ؛ رطب ؛ نوع واحد حلى ؛ فاكهة ؛ عصير طبيعي ؛ مويه ) **سفرة العشاء بعد المغرب ( شوربة ؛ سمبوسه ؛ معجنات خفيفة جبن او زعتر او بيتزا ؛ فاكهة ؛ مويه ) ** سفرة السحور ( طبق رئيسي وأكون مجهزة له اللحمة أو الدجاج مع الفطور وهذا أنوع فيه مرة رز مرة معكرونة مرة صينية خضار مع خبز أي شيء ؛ نوع سلطة ؛ فاكهة ؛ لبن ؛ مويه ) * الصباح اصحى مع العيال للمدراس ؛ وارجع انام الى الظهر .. * اصحى أصلي وأطلع من غرفتي على طول عالمطبخ أجهز أغراض الفطور يعني السفرة تكون عالطاولة بالصالة من الظهر الرطب أطلعها من الفريزر الكاسات الفاكهة ( أنا أحب أطلعها قبل حتى تحتر شوي خصوصا اللي ما يخرب مثل البرتقال والتفاح والا الموز والعنب واللي ممكن يخرب لا أغسله وأتركه بصحنه في الثلاجة ) .. * بعد تجهيز السفرة أدخل المطبخ أسوي نوع واحد للحلى وبصراحة عندنا ماتفرق لقيمات جبنية أو حتى لو حلى بارد المهم حلى مع القهوة .. * أجهز الشوربة وطريقتي كالآتي ( أسلق اللحمة في مويه بس وبعد نص ساعه أملحها وبعد عشر دقايق أفرم البصل وأحمس اللحمة معه مع الليمون الأسود والفلفل الأسود والكمون أهم شيء ونصف مكعب الماجي بعدين أحط لها الصلصة وأصفي فوقها موية اللحمة ثم أتركها على النار تفور وأنا مجهزة الشوربة الكويكر مطحونة في الخلاط مع شوية مويه ثم أصبها فوقها وأقصر عليها وأتركها على نار هاديه لمدة نصف ساعة تقريبا ) الشوربة دايما أجهزها وأخلص منها قبل العصر وأنا مطفيه عنها لأنها طبق رئيسي وأحب أصلحه بدري وأرتاح منه ؛ طبعا لما أركب اللحمة أرجع أقرأ هالوقت كله بس أكون قريبة من المطبخ .. الشوربة الحمراء هي الرئيسية عندنا بس أحب أغير كل ثلاث أو أربع أيام أسوي شكل غير يعني مرة شوربة دجاج مرة شوربة خضار مرة عدس مرة شوربة دجاج بالذرة وهكذا ... * أطلع السمبوسه من الفريزر بعد العصر حتى تفك ثلجها ؛ السمبوسه ما أحب أعملها بنفس اليوم لأن اليوم كله يضيع وأنا أصلح حشوات وألف ؛ أفرزن تقريبا ثلاث مرات بالشهر حق عشر أيام كل مرة مو أكثر .. * برضه أطلع نوع ثاني من المعجنات جبن زعتر بيتزا و أنا أفرزنها بعد لكن أكتب لكم الطريقة بوقت ثاني ؛ * بعد صلاة العصر أمسك بنتي جنبي تحل واجباتها وانا أقرأ عندها والله يعينني هالسنة ولدي بأولى بعد الله يصلح لنا ولكم العطا .. * وبعد العصر بعد أجهز القهوة وأحطها بالترمس وخلاص أنا ارتاح ما عاد عندي شيء لين يأذن المغرب ( قهوتي جاهزة الحلى جاهز ؛ السفرة مصفوفة ؛ الشوربة سويتها باقي السمبوسة والمعجنات بعد المغرب تقليها وتسخنها الشغالة أو أنا بعد ما أصلي المغرب ) .. * بعد ما أفطر أجهز المويه للشاهي أصلي وأزله بالترمس وأجهز العشاء .. باقي بارجع لكم بس باروح انام وبكرة أكمل بإذن الله ؛؛

أول شيء بصراحة لازم نعترف أنه رمضان شهر عبادة والاوقات اللي نضيعها في المطبخ احنا اولى فيها...

%عاشقه وهم :

زيدوني الغالي والقادريه الله يسعدكم يارب والله استفدت منكم كثير جزاكم الله كل خير

زيدوني الغالي والقادريه الله يسعدكم يارب والله استفدت منكم كثير جزاكم الله كل خير