فـــــــــ وياسمين ـــــــــل
باقي على جيه زوجك من الدوام اقل من ساعه وانتي يالحلوه ماطبختي...... وش الحل برايك؟
وصعبه برائيي تقولين له جيب من المطعم ...الرجال جاي من دوامه منهد وتعبان وجوووووووووووعان...
وياحبيباتي الغاليات... والشيفات السنعات... حبيت اليوم انزل هالموضوع لانه بصراحه مفيد لي ولكم و اكيد يفك زنقات الكثير منا
واتمنى من كل وحده ماتبخل عليناوتفيدنا بتجاربها وتستفيد
والحين يالغايات ببداء ببعض الطبخات الي تفك ازمتك وماتاخذ منك مجهود او تعب .....
*
*
*
1- رز مضغوط...
سوي رزمضغوط بالدجاج مدةالطهي ثلث ساعه <<<بصراحه انا مااطبخ بقدر الضغط لاني خوااااااافه لدرجه لاتصدق واخاف من استعماله ...بس هذا اقتراح لكم واختصار لوقتكم
وملوخيه تكون مطحونه ومكيسه مسبقاومفيزره
و سلطة خيار بزبادي كلهم تخلصينهم في اقل من الساعه
*****
2-الدجاج على حسب تقسيمك له بيفك ازمتك...
اول مايجيب لك زوجك الدجاج على طول قصيهم من النصف وحطي كل نصف في كيس لحاله ودخيلهم الفريزر..(موكل كميه الدجاج لا... انا مثلا لو كانو 5 انصف 3..... و2 اقطعهم صغار لوقت الزنقات واشيل الجلد .. وكله طبعا بالفريزر)
واسلقي الدجاج المقطع(حتى لو كان مجمد)ربع ساعه وفي هالوقت انتي كشني بصل وثوم وصلصه وماجي وبهارات في زيت كثير شوي وبعدين حطي عليهم الدجاج وخليهم 5 دقايق...
وسوي معاهم مكرونه مسلوقه وسلطه...لذيذه وتجهز في اقل من نصف ساعه
*****
3- المكرونه أسرع شي..
سلقها ما يتعدى الربع او ثلث ساعه
وفي هالوقت حضري الكشنه والصلصه ...وإذا خلصت المكرونه صفيها وحطيها عليها ..(وانا أستخدم في الصلصه كتشب ومعجون طماطم وجبن ..أو ممكن جبن شرايح )...نحطها في الأخير بعد او قبل ما تنشف المكرونه (حسب رغبتك ... فيه ناس مايحبوها ناشفه وفيه العكس )
ونقلب سريعه ولذيذه
*****
4- مشويات الدجاج..
او ممكن تستخدمي مشويات دجاج مجمده ما تاخذ في الفرن ربع ساعه تقريبا
وهي في الفرن ممكن نحضر رز أبيض ...أو إذا كانت كمية المشويات كثيره تكفي مع خبز وشوي بطاطس مقلي
*****
5-مكرونه بتونه..
هذي كمان طريقه سهله
اسلقي مكرونه بماجي
وعلى جنب قطعي بصل واحمسيه مع تونه(او مفروم دجاج اولحم) بس التونه اسرع شي... وجزر مبشور وبقدونس ومشروم وزيتون اسود
وحطي عليه علبة قشطه و3ملاعق جبن سايل وشوي بهارات وكاري وملح
بعدين حطي المكرونه بصينيه وحطي فوقها الحشوة السابقه ودخليها الفرن ربع ساعه (يمي يمي لاتقاوم)
*****
6- الدجاج وكيس الشوي..
حطي دجاج بكيس الشوي ومعاها اي انواع خضار عندك ...وبهار وملح وعصير ليمون وعالفرن تاخذ ساعة الا ربع
وبهالوقت سوي رز ابيض ... او سلطه خيار بزبادي ...(ويكون الدجاج مع الخبز او الرز حسب رغبتك)
*****
7- الرز الابيض مع التونه..
رز ابيض + علبة تونة فكيها بزبدية و حطي عليها (مايونيز <<< مااحبه استبدله بزبادي)و طحينة و رشة ملح و خس مقطع و بصل ابيض مقطع و فلفل بارد مقطع صغار ..
و يا سلااام على السرعة و الطعم ..
*****
8- الدجاج بقطع صغيره..
كشني بصل وحطي عليه دجاج مقطع صغار اوروبيان او سمك فيليه وقلبيهم شوي ...
بعدين قطعي طماط وفلفل بارد وحطيهم على الدجاج وحطي بهارات على حسب الرغبه ..
وبقدر ثاني سوي رز ابيض مع حبة ماجي واسلقيه نصف سلق.. هنا راح يكون الدجاج مستوي تقريباً كبي الرز على الدجاج ثم خليه على نار هاديه لحين غرفه
وممكن تسوي سلطه على حسب المقدير الموجوده وهذا كله ماياخذ وقت كثيروبالعافيه عليكم
*****
9- الفيليه..
اقلي قطع فيليه دجاج وقطعيه بشكل طولي ..
وبقدر ثاني حطي التالي على نار عالية مع التقليب السريع..(( بصل جوانح +فلفل أخضر بارد وحار+شرايح جزر+ثوم وزنجبيل مفروم+قطع الفيليه+صلصة صويا+ شوية كاتشب+ملح وفلفل أسود+وشوية ماء واخلطي ))
مع خبز أو رز أبيض على حسب رغبتك...وممكن شويه سلطة خضراء
*****
10- نفس المرقة السابقة (9)...
سويها على نقانق دجاج بدون الصلصه تطلع جداً لذيذة ، وسوي معكرونة مسلوقه ..
*****
11- رز أبيض مع سمك مقلي ..
(يكون منظف وبالفريزر بس احطه بماء 10 دقائق وبعدها اضيف البهارات والملح واقليه)
وسلطه احط كل الخضار اللي بالثلاجه
بالإضافه للذرة والبليله واحيان افك عليها تونه وتصير سلطة تونه
*****
12- شبه كبسه دجاج..
كشني الدجاج وحطي الماجي واسلقيه ...
وبقدر ثاني صلحي رز ابيض وقبل يستوي الرز يكون موية الدجاج قليله ...
اخلطي الرز معه او خليه على جنب ...
وسلطة طماط مع جرجير يطلع الذ غداء
*****
13- السمـــــك ........
قطعيه مكعبات وقطعي بصل واحمسيه لين يصير لون غامق
وبعدها قلبي السمك معه واضيفي بهاراتك او (زنجبيل + فلفل اسود) وحبتين ماجي والصويا وشوي كاجو ...
واذا عندك اعشاب خضراء(شبت او كزبرة او بصل اخضر)حطيهم وفلفل بارد
هنا بتلاحظي انه السمك بدت تطلع مويه ...غطي عليها القدر لين تتسبك
همن اجيب الرز واخلطه معه يطلع احلى كبسة سمك ولا الذ منها...((بس انا للمعلومه مااخلطه احب كل شي لوحده))
*****
14- نصيــــــــــــــــــــــــحه
نصيحه مهمه ومفيده جدااااا وتفك مليون الف ازمه وزنقه..
اذا صلحتي فطاير لحم مفروم او دجاج وزادت الكميه احفظيها في كيس وعلى الفريزر لوقت الزنقات..
ف اذا انزنقتي ماعليك الا سلق مكرونه وحطي معها اللحم المفرزن المجهز والمكشن ...
واخلطيهم بعد ما تستوي المكرونه وحطي بشاميل...او بعد بدون بشاميل
وسلطه وياااسلام <<< ممكن الاستغناء عنها
*****
15- مقلوبة تونه سريييييييييييييعه..
وهي تسلقي الرز لوحده مع زيت وملح وورق غار نص سلقه..
والتونه تكشنين لها بصل وطماطم معصوره وبهارات ومرقة ماجي وتحطين عليها التونه..
وبعدين تفرشين التونه في قاع الصينيه وتحطين عليها الرز وتحطين عليها شوية مويه
الي تكفي لأستواء الرز..
وبس بعدين تقلبيها في صحن مع الليمون والشطه امممممممممم
والسلطه الخضراء..
*****
16- الخــــــــــــــــــــــبز..
وممكن يكون غدا سريع جدا مثل الخبز المفرود محشي جبنة مثلثات او تشيدر محموسه على النار مع مربعات صغيره من الفلفل الرومي
اوخبز مفرود محشي لحمة مفرومة او دجاج محموسه مع بصل وكزبره
واحشيهم مع خردل ومايونيز
....عصير....>>>وفي الخلاط 4كاس مويه بارده ...و4 ملاعق تانج ..وكيس دريم ويب ...وملعقتين سكر ...وملعقتين قشطة ...وزينيها بالتوت وياسلام ع الطعم الروعه
*****
17- زهره مقليه .....
سريعه ولذيذه
تقطعينها صغار الي زهرات صغيره وتتبلينها ببيض وملح وبهارات وبكنج بودر(( انا قبل اسلقها نصف سلقه بعدين اتبلها)) ..
وتخلينها شوي وبعدين دقيق واقليها وبس ممكن تحطين معها بطاطس مقلي وسلطه خضار ..
*****
18- بطاطس قوارب ..
الطريقه .
تقطعين البطاطس بالطول الي قسمين وتفرغينها مثل القارب وتقلينها
وتحشينها جبن مالح مخلوط مع بيض وبقدونس مفروم
وتدخلينها الفرن من فوق حتى تشقر روعععه
*****
19- رز ابيض مع دجاج مقلقل..
صدور الدجاج قطعيهاقطع صغيرة
وكشني البصل وحطي الماجي وباقي البهارات عليه مع طماطم مطحووون+صلصه...
حطي الدجاج عليه وخليه لحد مايتسبك.. ولاتنسين الملح
والرز الابيض ماياخذ ثلث ساعه
*****
20- بيتزا المكرونة
سهــــــــــــــــــــلة مرة ...
اسلقي المكرونة مع بهاراتك المفضلة وحطيها بصنيه وحطي فوقها صلصة بيتزا
تكون مجهزة عندك بالثلاجة وحاولي تغلغلينها جوا المكرونة بالملعقة عشان تطلع بعض المكرونة
حمراء وبعضها بيضاء وحطي فوقها كل مايخطر على بالك من اشياء البيتزا
نقانق - فلفل ملون- زيتون اخضر واسود- مشروم - وبالاخير جبنة موزريلا ورشي فوقها سماق
وزعتر ونعناع يابس ودخليها الفرن تكونين مسخنته من قبل...
تذوب الجبنة من فوق بدون تحمير
وتمتعي بأحلى صينية بيتزا مكرونة ..
*****
21- رز ابيض بالتونه او بالروبيان
<<<<احلا شي الروبيااااااااان امووووووت فيه
اكشني التونه وخليها طبقات مع الرز( يصير كانه برياني )...
او استخدمي الروبيان المثلج
اكشني وحطيه طبقات مع الرز ...((اوبدون طبقات ... بس التغيير حلو ))..
وسوي سلطه والحمدلله
*****
22-الرز المشخول مع الدجاج المسبك..
اولا قطعي بصل وثوم واحمسيهم بزيت واضيفي له دجاج مقطع ارباع صغيره...
وحطي عليهم طماط مطحون وصلصة طماطم وصويا صوص وكاتشب وملح وبهاراتك الي تحبيها..
وممكن اضافة ريحان مفروم يعطي لدجاج نكهه مميزه واتركيه على النار لمدة نص ساعه يتسبك ...
واثناء تسبكه شيكي عليه كل شوي مع تحريكه واذا مابقى فيه مويه زيديه مويه لين يستوي...
الرز المشخول/
احمسي بصل وثوم في شوي زيت حمس بسيط ..
وصبي عليه مويه فايحه وخليه يفور ..
حطي ملح وماجي ابيض وشوي عصير ليمون وشوي خل..
بعدين كبي الرز خليه يفور شوي بعدين قصري عليه لين يوصل زوجك بالسلامه
*****
23- رز ابيض بشعيريه ..
(الشعيريه على حسب عدد الاشخاص...مثلا انا وزوجي بس استخدم حبه شعيريه وحده)
اقلي حبه الشعيريه..
بعدها كشني بصل بشووووويه زيت لحد مايشقر..
صبي مويه فايحه على البصل وحطي ملح وماجي ابيض و الشعيريه لحد ماتلين وتبداء تتفكك..
بعدها كبي الرز عليها وحركيهم شوي وخلاص انسيه لحد مايجي بعلك ..
مع سلطه من الخضروات الموجوده عندك وبالعافيه
*****
24- رز ابيض بالخضار ع السريع
اطبخى الرز
وجيبي كيس خضار مشكل اسلقيها فى الماء وشوية ملح
ولحمة مفرومة نزليها من الفريزر على النار على طول مع ورقة غار ..
ولما تسيح حطى بصلة وملح وبهار
بعد ما تستوي الخضار صفيها وحطيها على اللحمة تتشوح شوي
وفى صحن التقديم حطى الرز وانثري الخضار باللحمة وحمري لوز ورشيه عليها
وجنبها صحن سلطة خضراء
وصحتين
*****
وتقبلوا خالص تحياتي
وارجو منكن التفاعل
وجديد بفكرته صراحه
الله يجزاك خير ويسعدك يارب