رز ابيض + علبة تونة افكها بزبدية و احط عليها مايونيز و طحينة و رشة ملح و خس مقطع و بصل ابيض مقطع و فلفل بارد مقطع صغار ..

و يا سلااام على السرعة و الطعم ..

والله انا مره كنت سهرانه مع بنتي الصغيره ونمت في هالبراد وماحسيت على نفسي الا هو مكلم ويقول انا طلعت من دوامي نصف ساعه واجي :06:

عاد قبلها كنت احلم انه اتصل وقال ماابغى غدا نامي وارتاحي <<<< تتمنى :D


لما قال جاي وش سويتي غدا ماعرفت وش اقول قلت خلاص شوي ويجهز - مايدري اني اكلمه على السرير هع هع

واقوم وبسرعه اجيب قدر الضغط واحط فيه اللحمه _ وعلى حظي مخلص الدجاج يومها_ طبعا اللحمه كنت مطلعتها من الفجر حتى تذوب والجو بارد


المهم احطها بقدر الضغط واحط فلفل اسود وكمون مطحون وبس واكتم القدر واشغل النار على العالي خمس دقايق او اقل ثم قصرت على النار


في قدر ثاني حطيت رز ابيض مع زيت وملح وثوم فصين مقشره هههههههههه مافيه وقت للتقطيع وبصراحه يطلع نكهه جناان

طبعا خليت النار عاليه على الرز ثم قطعت بصل صغار وطماطم صغار وجلست اغسل المواعين طبعا زوجي في هالاثناء جاء

قلت خمس دقايق ويكون الغداء جاهز والرز صبيت عليه موية كادي اللحمه فتحتها كانت مستويه حطيت عليها شوي بهار كاري والبصل اللي قطعته والطماطم بعد وملح لاني من الاول ماحطيت ملح وضغطته دقيقتين ثم فتحته واااااااااااااااو

غرفت الرز وحطيت اللحم وشكله جنااان وقطعت شرايح طماطم وليمون على الوجه وندهت لزوجي اول ماشافه انجن عليه

وبعد ماخلص يقول احلى كبسه ذقتها بحياااتي خخخخخخخخ

انا اكشن البصل واحط عليه دجاج مقطع صغار اوروبيان او سمك فيليه واقلبهم شوي بعدين اقطع طماط وفلفل بارد واحطهم على الدجاج واحط بهارات على حسب الرغبه وبقدر ثاني اسوي رز ابيض مع حبة ماجي واسلقه نصف سلق بعدين يكون الدجاج مستوي تقريباً بعدين اكب الرز على الدجاج ثم اخليه على نار هاديه لحين غرفه واسوي سلطه على حسب المقدير الموجوده وهذا كله ماياخذ وقت كثيروبالعافيه عليكم واذا كنتي مستعجله مره حطيه بالقدر الكاتم

بالمواقف هاذي غالباً اسوي شي بسيط وسريع ومو شرط يكون معاه رز

1- اقلي قطع فيليه دجاج واقطعه بشكل طولي ، وبقدر ثاني احط التالي على نار عالية مع التقليب السريع: بصل جوانح +فلفل أخضر بارد وحار+شرايح جزر+ثوم وزنجبيل مفروم+قطع الفيليه+صلصة صويا+صلصة سويت اند سور وإذا ماعندي شوية كاتشب+ملح وفلفل أسود+وشوية ماء واخلط (تصير مرقة سويت اند سور) مع خبز أور رز أبيض وسلطة

2- نفس المرقة السابقة اسويها على نقانق دجاج بدون الصلصة الحلوة تطلع جداً لذيذة ، وبعض الأحيان اسوي معكرونة نقاق دجاج

3- رز أبيض مع سمك مقلي (يكون منظف وبالفريزر بس احطه بماء 10 دقائق وبعدها اضيف البهارات والملح واقليه)

4- ممكن تونه مع خبز وسلطة

5- سندويشات خفيفة جبن ، بيض ، مرتديلا

6- رز صيني بالخضار سريع التحضير وماياخذ وقت

7- برياني خضار جداً لذيذ وسريع التحضير ، وبعض الأوقات اسوي برياني نقانق دجاج

تدرون يابنات ان مثل هالزنقات


مفيد جدا جدا

للطباخه

مع الزمن تصبح اكثر سرعه بالطبخ العادي وقادره على الفزعه والضيافه المفاجئه