هذا ردي على الأخت روعة وحبيت انقله لكم من باب التشجيع
تقديم ولو جزء بسيط للمساعدهـ
باقي على رمضان بس يومين
الحين صارت يوم
كل الأيام تناسبنا إذا حبينا المهم نتدارك الوقت
بقولك اش سويت امس وقبل أمس
أولاً
شريت دجاج مبرد ( يعني مو ثالج ) عشر دجاجات
* وقطعته على أرباع وحطيت كل ربع في كيس ( اكياس لحم صغيرة )
* وقطعت بعض الأفخاذ كل فخذ جزائته ثلاث اجزاء ... ( انتي قطعي بالطريقة والشكل يالي تستخدمينه
لطبخ ( يعني بس اطلعينه من الثلاجة وتميعينها من الثلج وترمينها بالقدر ) ..
* قطعت الصدور صغار صغار حق الشوربة ( سويت عشر اكياس تكفي عشرة ايام لرمضان )
_ابشري الجزر لو كنتي تستخدمين الجزر المبشور وحطيها بأكياس بالفريزر ..
هاذي بالنسبة ( لتفريز الدجاج حتى مايخذ وقت )
والخضار نفس الطريقة والزنجبيل بعد قطعيه صغارصغار لو كنتي تستخدمينه في الاكل
ايضا قطعيها بالحجم والشكل يالي تستخدمين ..
وأي شيء يجي على بالك من الخضار فرزنيه في اليومين الباقيه واذا صرتي فاضيه
مو لازم بس لرمضان حتى الأشهر الباقية لو بغيتي تفضين لزوجك وأطفالك ...
ثانياً
تفريز الطماط اتبعي طريقة الأخت المشغولة دوما
رهيبة طريقتها الله يجزاها خير الجزاء ( راح اسويها اليوم ان شاء الله )
http://forum.hawaaworld.com/showthread.php?t=3701848
ثالثاً
البصل
هو الوحيد يالي فاضل وطبعاً مستحيل تفرزنينه بسبب الريحة
اشتري قفازات صغيرة وبعد التقطيع ع طول اغسلي القطاع
بكلوركس بنفس القفاز قبل لا ترمين القفاز ثم بلشي بالطبخ ..
حاولي تفضين نفسك اليوم وبكرهـ اشتري الناقص للتفريز
شي اخر اول ماتشترين البصل نضفيه من القشر حتى ما ينزل من على
شبك البصل ...
هاذي اول مرهـ اسوي تفريز وإذا اعجبتني وأرتحت عليها
ان شاء الله استمر كذا على طول
بالنسبة لي ماحب تفريز المعجنات والسمبوسة
وان شاء يكون فيه
تشجيع لكل وحدهـ لسى ماسوت شيء
والله يقويكم ان شاء الله
اسأل الله ان يبارك لنا في أوقاتنا وفي أعمارنا
ويعطيكم العافية جميعاً