باقي على زواج صحبتي شهر وتبغى تتطلق تعالوا اقنعوها

السلام عليكم ورحمة الله


خواتي، صحبتي الروح بالرووح انخطبت ماشاءالله والحمدلله وتم موضوعها وملكت يعني حصل عقد الزواج
باقي شهر على فرحهم ودخلتهم وهي تفكر جديا بانها تكنسل الزواج


السبب زوجها او خطيبها هدا يشتغل في قسم الأشعة وهي من ساعة خطبها متوتررة وتسأل وتدور وخخايفة مرا ان الاشعة تأثر عليه
و على الجينات ويصير مايخلف أو يخلف اطفال مشووهين


احنا كمان نعرف زميلة لنا اخدت واحد يشتغل في الاشعة وجلست 5 سنيييين ماحملت، بعد ال5 سنينن ربي كرمهم ووجابت بنت
هي لما سمعت قصة هدي البنات خااافت زيادة هي مرااا تعشق الاطفال وبتقول ان سبب زواجها اساسا عشان نفسها تكون ام
هو كل شي بيد ربنا سبحانه وتعالى لكن هل هدا الشي يأثر فعلا؟؟
فيه بنات يشتغلوا في الاشعة يعني لو كان فيه ضرر كان مااشتغلواا


انا مااعرف صراحة ادا هو شي بيأثر حقيقي ولا لا ـ ـ زوجي يقول لو انه يحافظ على نفسه ويحط الجهاز ماايجيه شي خليها تسأله
بس هي تقول مااقدر اسأله تتفشل منه
وكمان تقول اخاف اندم عشان شغله مختلط وتخاف تززيغ عينه او يخونها مع زميلات الدواام


بنات ريحوني باي معلومه ممكن تفيدها والله يكتب اللي فيه الخير للجممميع
اهم شي المعلومه تكون ثقه وصحيحة ماابغى في دمتي شيء


شكرا لكم
التوقيع