باقي على ولادتي 13يوم والجنين راسه فوق ...ساعدوني بليز

اخواتي انا الان باقي على ولادتي 13 يوم مثل ماحددلي المستشفى وتوني امس مسويه اشعه طلع الجنين في وضع مقعدي :( :( يعني راسه لفوق رغما انه من الشهر الثامن الى واول التاسع وهو راسه تحت

الدكتوره قالتلي عندك ثلاث خيارات (صاير اختبار الله يعين)
اما اني اعدل وضعيته وراح يكون مؤلم وطبعا طريقة التعديل تحاول تحرك الجنين بيدها وتضغط على جوانب بطني عساه يحول اتجاهه وطبعا ماهي مضمونه

الخيار الثاني عمليه قيصريه وانا خايفه منها لاني احسه متعبه بعد الولاده وتشوه البطن ماادري اللي مسوين عمليه ياليت يعطوني انطباعاتهم وايش سلبياتها

الخيار الثالث ولاده طبيعيه والجنين راسه لاعلى واكيد راح تكون اصعب من الراس لما يكون على تحت واحسه راح يكون فيه توسيع زياده وهذا حملي الثاني

والله يابنات حالتي النفسيه متازمه واكتأب مايعلم فيه الا ربي :( :(
ياليت اللي مرت بتجربه مثل كذا تقولي وش صار معاها واللي ولدوا وراس الجنين فوق كيف صارت الولاده ياليت تشرحولي بالتفصيل الممل استناكم لاتتأخرون علي مو اولد وانتو باقي مارديتو