اختي لا تخافين و توكلي على الله.
بالعكس خليج فرحانه لأنه بعد الولاده الحمدلله راح تشيلين ضناج بين ايدج و تحطينه على صدرج. والله الاحساس هذا بالدنيا الحمدلله.
يا اختي الولاده الحين ماكو اسهل منها, سواء كانت طبيعي او قيصري الحمدلله العلم وايد تطور غير عن قبل. صج انه فيه الم و عوار, لكن الحمدلله كله اجر من عند رب العالمين. كافي انه المره بعد عوار الطلق ترجع كما ولدتها امها ماعليها ذنوب الحمدلله.
يعني دشي و القلب جامد و قولي يارب سهل اموري. يارب الصحه والعافيه للبيبي. يارب قومنا بالسلامه. يارب تجعله من الذريه الصالحه.
لا تنسيني عاد حزة الولاده ادعيلي, الله يهدي اعيالي و يصلحهم و يهدي زوجي. :22: :22:

آسفه نسيت اجاوب على اسئلتج يا اختي
بالنسبة للولاده بولدي الأول كانت قبل ما اخلص التاسع بثلاث ايام بس.
اما عن تحجر البطن فهذا شي عادي خصوصا آخر فتره من الحمال, لأنه البيبي يكون كبر ماشاءالله فيصير مكانه داخل الرحم صغير عليه ما يقدر يتحرك براحته و يرفس بالام و يلعب كرة قدم داخل. :22:
هونيها و تهون ان شاءالله ضحكي عاد :42:

اناولدت في اخر يوم بالثامن

هونيها عزيزتي ولا تشيلين هم

احنا كنا بكريات زيك بس ما كنا نحس بالخوف لهالدرجة تدرين ليييييه !!!

لأني ما قد جربنا الولادة وما ندري وش راح يواجهنا

والثاني والأهم فرحتنا بالبيبي وتجهيزاته نستنا الشعور بالخوف


وبالنسبة للتاسع أنا زيك أتمنى ما أكمله بس سبحان الله بعيالي الاثنين أولد على الموعد اللي يعطوني إياه بالتمام

والله يسهل عليك يارب وييسر الولادة ويرزقك بطفل سليم معافى

أنا في البكر ولدت الأسبوع الأول من التاسع بس مو شرط البكر تولد بدري ..

اطمني وأنا لو مكانك مابدخل قسم الحمل والولادة ابدا .. انا كذا عملت سكرت اذني وعيني عن اي شيء يخص الولادة بإستثناء طريقة الولادة بدون ألم كنت أقرأ عنها في الكتب بس ..