باكورة لذيذة جدا و حارة و رهيبة!!!

هلا خواتي..
اليكم طريقة الباكورة الرهيبة.. لانه كل حد في البيت مدحها و خلصها يوم سويتها..
المقادير:
1 فلفل بارد
3 حبات فلفل حار اذا بغيتها أبرد ممكن تخلينهم بس 2 حبة فلفل
ملعقة كركم
ملح
ملعقة صغيرة بكنج صودا- تعطي طراوة للبكورة
جلجلان/كزبرة- كثري منه يعني شده وحده- مقطع
3 بصل كبار مقطع جوانح- انا استعملت البصل الابيض الكبير
طحين حمص
الطريقة:
نخلط المقادير مع قليل من الماء بس مجرد ما تحسي انه الطحين انعجن مع المقادير و انتبهي لا تخلين العجينة سايلة ترى تخرب معاكي.. و اول ما تخلطي سويها فورا لأنها راح تسيل معاك لو تركتيها لفترة و رجعت تسوينها.. جربيها و ان شاء الله تعجبكم :)