بالتاسع و مدري وش اللي احس فيه

السلام عليكم
أخباركم ياكروشات

ماعندي مقدمات ولاشي ابقول لكم اللي احس فيه ولا ادري هو طبيعي والا الا

اول شي أنا لي بالتاسع 14 يوم وهذي الحمل الثاني ولادتي الاولى ما جاني طلق كنت رايحه مراجعه وكان لي 10 ايام بالتاسع وقالت الدكتوره ان البيبي نبضه ضعيف والماء ناقص وتنومت وسوت تحريض وعطوني خروع وولدت الحمدلله يعني ما حسيت بالطلق العادي ولا ادري كيف يبدأ

هالحين احس بشي مدري وشو >>> قولي قسسسم
احس بخمول وصداع وريقي ناشف ولا أشتهي اكل جنوبي توجعني من القفص الصدري بس من الظهر >> من زين الوصف
الجنين نازل بالحوض الحمدلله سويت تحاليل دم وبول وانتم بكرامه كلها سليمه والضغط امس رحت قالت طبيعي ولا عندي زلال بالبول
عندي امساك خفيف وغازات

اذا مشيت احس بطني يتحجر فوق واسفل البطن مشدود ورجليني توجعني ومتورمات وأهلي شافوني قالو وجهك مره تعبان
اذا وقفت كثير احس رجليني تنمل يجيني مغص باسفل البطن بدون الظهر ولا نزل معي دم بس الإفرازات العاديه البيضاء
الرحم مسكررر ولا فتح ولا نص سانتي
مدري بنات هل هذا طبيعي تحسووون مثلي باللي أنا احس فيه والا عندي شي

ابي شي يفتح الرحم لو شوي احس تعبانه من المغص وقل النوم والله بابوات أني اكتب والعبره خانقتني
أحاول اسوي اي شي علشان أنسى بس عجزت قريت بالماء اللي أشربه سوره الزلزله وادعيه تسهيل الولاده

يمكن كلامي كثير وملخبط بس مالي الا الله ثم انتم احس غثيت أمي واختي كل يوم شكوى جديده